ای یازیق کوتله لرین رهبری ای شانلی امام
“شانلی امام” سروده بولوت قراچورلو متخلص به سهند در وصف امام خمینی(ره) است.
ای قارانلیق گئجه ده پارلاق اولان بدر تمام
شرف ,علم و عمل اشجع آیات عظام
آیت الله بحق پشت و پناه اسلام
ای یازیق کوتله لرین رهبری ای شانلی امام
ای علی نین خلف اوغلو سنه مین لرله سلام
سنه روح الله آدین وئردی شهید اولموش آتان
نفس حقدن دی حقیقتده ده روح الله سان
ای قارا قلب لره آیدین اینام نور ساچان
سنه شایاندی بو شوکت بو مقام
ای یازیق کوتله لرین رهبری ای شانلی امام
ای علی نیم خلف اوغلو سنه مین لرجه سلام
سن ائلین قرن لر آغزیندا قالان حق سوزوسن
سن قارانلیقلار آرا حقی گؤرن حق گؤزوسن
حق قولو,حق الی,حق جارچیسی حقین اؤزوسن
حق گوجوایله وروشامازدی بو ایرنج نظام
ای یازیق کوتله لرین رهبری ای شانلی امام
ای علی نین خلف اوغلو سنه مین لرله سلام
سن شهامت ده علی خاطیره سین دیرچلتدین
داغ تکین سینه گلیب حق علمین یوکسلتدین
ظولم داغ اولسادا دارتیب تملین تیتره تدین
جور عدوان لا تیکلمیشدی گتیرمزدی دوام
ای یازیق کوتله لرین رهبری ای شانلی امام
عصرفرعونونا موسی کیمی عصیان اله دین
ظولمه ظالملره قارشی وروش اعلان ائله دین
آخ نئجه قاصبی سرگشته دؤوران ائله دین
مرحبا حرمت شایاندی بو همت بو مرام
ای یازیق کوتله لرین رهبری ای شانلی امام
سن ائلین آرخاسی سان ائلدن آییرماز سنی حق
یاخدیغین تونقالی یئل اسسه داها یاندیراجاق
سن گونشسن ایشغین عصری ایشقلاندیراجاق
موکبی فجری فقط گؤرمیر اهلی اینام
ای یازیق کوتله لرین رهبری ای شانلی امام
ای علی نین خلف اوغلو سنه مین لرجه سلام
شاعر:بلوط قره چورلو(سهند)
برچسب ها :
ناموجود- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰