تبریز شهرینین اسلامی شوراسینین رئیسی اختیلافلارین سونا چاتماسینا گؤره سسلندی

فارس خبرگزاریسی: تبریز شهرینین اسلامی شوراسینین رئیسی اختیلافلارین سونا چاتماسینا گؤره سسلندی

تبریزده فارس آژانسینین وئردییی خبره گؤره:شهرام دبیری تبریزین یئنی بلدیه باشقانینین تانیتما مراسیم بونا ایشاره ائده رک دئدی: بلدیه باشقانین سئچیمی ایله ایلگی لی اولان اختیلافلارشورانین ایچیندن آرادان گؤتورولوب.

تبریز شهرینین شوراسینین ۲۱ عضووده تبریزین گلیشمه سی و اونو حقیقی یئرینه چاتدیرماسی اوچون آندلاشیب لار و الده اولان مؤوجود شراییطلردن بوتون گوجلریله ایستیفاده ائده جک لر

تبریز شهرینین اسلامی شوراسینین رئیسی سؤزلرینین باشقا بؤلومونده تبریز شهر و استانینین دورومونو شهرین گلیشمه سی و اونو تاریخی یئرینه چاتدیرماق اوچون ایستثنایی بیر دوروم بیلندیریب قئید ائتدی: بو گون تبریز اینکیشاف و گلیشمه اوچون ان یاخشی یئرده قرار توتوب نه ایسه کی بو مقصده چاتماق اوچون شهرله استان معیین شکیلده حرکته کئچیب لر.بیز اوموروق بو ایش مسئوللار و اورقانلار آراسیندا سیرداشلیق و امکداشلیقلا الده اولوناجاق.

دبیری عئینی حالدا تبریزین کئچمیش بلدییه باشچی سی نوین ین ۸ ایللیک مودیریت دؤورونو شهری اداره ائتمه ساحه سینده اوغورلو دؤور بیلدیریب دئدی: اونون ۸ ایللیک صمیمی خیدمت لری تبریز بلدیه سینده اساس ایره لی له مه آددیم لاریندان وتبریزین تمل ده ییشیمینه سبب اولوب و بو خیدمت لر تبریزین تاریخینده قالارلی دیر.

او تبریز بلدیه حیمایه چی سی اولان حسین اکبری دن ده اونون گئجه گونوزلوک خیدمت لریندن تشککورونو بیلدیردی.