«تبریز۲۰۱۸»ین آغیرلیغی، شهرداری نین چینینده دیر
تبریز بلدیه رئیسی دئدی: « تبریز۲۰۱۸»ین اصلی آغیرلیغی تبریز بلدیه سینین چینینده دیر و بو تشکیلاتین مودورلری، وقت و گوجلرینی بو بین المللی مسئله یه گوره متمرکز ائتمه لیدیرلر.
دکتر صادق نجفی تبریزین مختلف منطقه شهردارلاری ایله گوروشده بو مسئله یه توخوناراق آرتیردی: تبریز بلدیه سی اوزونون معلوم ماموریت لری ایله برابر شهرین مدنی و توریستی مدیریتینه ده داخیل اولماقلا اولکه ده بلدیه لرین چالیشمالاری قارشیسینا یئنی پنجره لر و موقع لر آچیبدیر.
تبریز بلدیه رئیسی «تبریز۲۰۱۸»ین بوتون قصورلارینی بلدیه یه نیسبت وئریله جه یینی دئیه رک آرتیردی: تاسفله بویوک شهرلرین چتین لیک و معضل لری و محدودلاندیران قانونلارین اولماسی، بلدیه لرین گلیرلرینی جدی درجه ده آزالدیب دیر.
دکتر صادق نجفی، شهرداری دن اولان انتظارلارین دوغرو یادا یانلیش اولدوغونا باخمایاراق ایندیکی دورومدا بوتون گوجوموزله شرقی آذربایجانین عالی مقاملارینین یانیندا تبریز و شرقی آذربایجانین توسعه و یوکسلمه سینه کومک اوچون هر زامان حاضیریق.
برچسب ها :
ناموجود- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰