“مقتل الحسین (ع)” کتابی یئنی تصیح ایله یاییلدی

مقتل اثرلری آدلاریندان بللی اولدوغو کیمی کربلادا امام حسین (ع) باشینا گلن حادثه لرین یازیلاریدیر. تورک دیلینده ایلک مقتلی یوسف مداح یازمیشدیر. بیر سیرا ادیب لرین دئدیگینه گؤره یوسف مداح تبریزلی دیر.

آنجاق اونو سیواسلی بیلن لر ده چوخدور. او ۷۰۰ ایل بوندان قاباق مقتل کتابینی یازمیش و تاریخی – علمی صورتده بو عظیم دینی حادثه نی قلمه آلمیش و نظمه چکمیشدیر. بورادا تاریخی قایناقلارا مراجعه ائدیب و روایتلردن ده یارارلانمیشدیر.

یوسف مداح ۷۰۰ – ۷۰۴ ایللری آراسیندا دونیایا گلیب و مقتل اثرینی ۷۶۳ ایلینده یازیب – بیتیریبدیر. اونون باشقا اثرلریندن ورقا و گاشا معروفدور.

بو کتاب ۳۵۰ صفحه ده فارسیجا و تورکجه مقدمه لریله “نشر اختر” طرفیندن یاییلیبدیر و تبریزین کتاب سرگیسینده ساتیشدا اولاجاقدیر.