کد خبر : 675
تاریخ انتشار : یکشنبه 17 آذر 1392 - 8:52

مردانی آذر قارداشلاری اوشاقلار اوچون خسته خانا دوزلدیرلر

مردانی آذر قارداشلاری اوشاقلار اوچون خسته خانا دوزلدیرلر

آی نیوز – مردانی آذر قارداشلاری تبریزده  ۴۲۶ یاتاقلی اوشاق خسته خاناسی تیکیرلر.

 

شرقی آذربایجان والیسی طرفیندن امضالانمیش آنلاشمایا اساسا کی اؤلکه ساغلیغینین خیر توپلومونون باش کاتیبی، تبریزین  طیبی علملر اونیوئرسیته سینین رئییسی و مردانی آذر قارداشلارینا چاتدیریلدی، زهرا (مردانی آذر) خیرییه فوندو بو خسته خانانین تیکیلمه سینی بوینونا آلدی.

بو آنلاشمایا اساسا تبریزین طیبی علملر اونیوئرسیته سی ده، همچنین تبریز بلدییه سی طرفیندن تأمین اولونان یئرلرین تیکیلمه سیندن سونرا بو خسته خانانین تجهیزاتینی بوینونا آلیب.

۴۲۶ یاتاقلی زهرا(مردانی آذر)اوشاق خسته خاناسی ایندی کی اوشاق خسته خاناسی ایله عوض ائدیله جک.

شرقی آذربایجان والیسی امضالانمیش آنلاشما تؤره نینده دئدی: ایللردیرکی استانیمیز مردانی آذر قارداشلارینین خیدمت لریندن او جمله دن مدرسه تیکیلمه و یا باشقا ایشلریندن  فایدالانیر و بو خیدمت لر یئنه ده گلن ایللرده گئنیشله نه جک.

اسماعیل جابارزاده دئدی: ائله اینسان لار وارکی چوخلو پوللاری وار آما او پولدان ایستفاده ائتمه لرینه ایزینلری یوخدور اما آللاه شوکر ائدیریک کی مردانی آذر عائیله سی اؤ‍ز یاتیریملارینی ده یرلی ایشلر یولوندا خرجله ییرلر.


ارسال نظر شما
مجموع نظرات : 0 در انتظار بررسی : 0 انتشار یافته : ۰
  • نظرات ارسال شده توسط شما، پس از تایید توسط مدیران سایت منتشر خواهد شد.
  • نظراتی که حاوی تهمت یا افترا باشد منتشر نخواهد شد.