شرقی آذربایجان‌دا ۳۰۰ گؤن دوزلتمه واحد چالیشمادادیر

شرقی آذربایجان صنعت معدن و تجارت تشکیلاتی نین مدیری اؤلکه ده بو استانین گؤن صادراتیندا یوکسک سهمه مالک اولدوغوندان خبر وئریب دئدی: اؤلکه ده بو استانین گؤن ساحه سینده مرکز ساییلماسی اوچون شرقی آذربایجانین بو صنعتده پروبلئملرینی جیددی نظرده آلمالییق.

محمد جعفر عظمایی بونو بیان ائده رک داوام ائتدی: گؤن صنعتی شرقی آذربایجاندا ان قدیم صنعتلردن بیری ساییلیر بئله کی بو اؤلکه ده بیرینجی دفه اولاراق ۱۳۰۸ – جی ایلده بو صنعت تبریزده باشلادی و بو کئچمیش گؤزلجه گؤستریرکی بو صنعتده پروبلئملر جیددی نظره آلینیب و اونون حل ائتمه سینه اساسی آددیم لار گؤتورولمه لیدیر.

او شرقی آذربایجانین گؤن صاردارتیندا سهمینه ایشاره ائده رک دئدی: بو استان اؤلکه نین گؤن صاردارتیندا ۳۲ فایز سهمینه مالیک دیر و عئینی حالدا بو صنعتده ۳۰۰۰ نفر چالیشیرلار.

شرقی آذربایجان صنعت معدن و تیجارت تشکیلاتی نین مودورو وارداتین منفی ائتگی لرینه ایشاره ائده رک دئدی: بونا گؤره کی بو صنعت ده، صنعت صاجیب لرینین بیر بؤلوم یاتیرملاری ایلکین ماده و ماشینلارا خرجلنیر، یئنی تکنولوژیدن قوللانماقلاری چتین اولور و واردات پروبلئمی بو ایشده صنعت صاحیبلرینین یاریشمالارینی گوجدن سالیر.