بلدییه لره دؤولتین گوجلو حیمایه سی لازیم دیر

تبریز بلدییه سینین اجتیماعی ایلگی لرینین وئردییی معلوماتا گؤره دکتور نجفی بو هفته بلدییه مودورلریله گؤروشده  بو مسئله نی وورغولایاراق کی تکجه بلدییه وطنداشلارین بوتون  احتیاج و طلب لرینی قارشیلایا بیلمیر دئدی: شهرین چوخلو پروبلئم لری دؤولتین حمایه سی و یاردیمی اولمادان حل اولونور دئییل و شهر مودورلویو وطنداشلارین و شهرین یاخشی اداره ائدیلمه سی اوچون دؤولتین یاردیمینا احتیاجی واردیر.

تبریز بلدییه باشچی سی سؤزلرینین باشقا بؤلومونده وطنداشلارین بلدییه دن یوکسک حجم ده اولان ایستک لریندن و تعیین اولونان وظیفه لرینی خاطیرلادیب دئدی: بلدییه نین بوینوندا چوخلو وظیفه لر وار او جمله دن شهرین داخیلینده نقلیات  مسئولیت و خیدمت لری، مدنی و اجتیماعی پروبلئملر، شهرین کؤهنه توخونونشونون یئنی دن احیا ائدیلمه سی، شهرین یاشیل چئوره سینین گئنیشلندیریلمه سی، یول آچما و اونلارجا باشقا مسئولیت و پروبلئم لر وارکی بلدییه یه وئریلن بودجه و اعتیبارلار بو قدر طلب لری قارشیلایا بیلمیر اونون اوچون ده بو ایشلری یئرینه یئتیریب و وطنداشلارین ایستک لرینی دوغروجا قارشیلاماق اوچون دؤولتین حیمایه سی و کیفایت قدر بودجه و اعتیبارلارین وئریلمه سی لازیم دیر.

دکتور نجفی تبریز بلدیه سینین طلب و احتیاجلارا قارشی سؤزلرینین داوامینی دؤولت و مجلیس واسطیه سیله دئمه یین خبرینی وئردی.