گلن ایل اوچون ۵۰۰ میلیارد ریال تبریزین یاشیل فضاسینا اعتیبار وئریلیب دیر
تبریز بلدییه باشچیسی دئدی
آی نیوز-گلن ایل اوچون ۵۰۰ میلیارد ریال تبریزین یاشیل آلانینا اعتیبار وئریلیب دیر.
تبریز بلدییه باشچیسی بو شهرین یاشیل آلانلارینین اینکیشافی اوچون یوکسک اعتیبارلارین اختیصاص وئریلمه خبرینی وئردی.
تبریز بلدییه سینین اجتیماعی ایلگی لرینین وئردییی معلوماتا گؤره دکتور نجفی بو سؤزو اعلان ائده رک ، گلن ایلین شهر اداره ائدیلمه اساس استراتژی سیاست لریندن بیری شهرین یاشیل آلانی و آلت یاپیلارین گلیشدیرمه سی اوچون داواملی و اوبیئکتیو پلانلاشدیرما اولاجاق دئدی. بلدییه نینده گلن ایلکی بودجه قانونوندا یوکسک و ا‍ؤزل اعتیبارلار بو ایش اوچون گؤزله نیلیر.
تبریز بلدییه باشچی سؤزلرینین باشقا بؤلومونده شهرین یاشیل فضالاری اوچون بلدییه یه اختیصاص وئریلن بودجه یه ایشاره ائده رک دئدی: بلدییه نینده گلن ایلکی بودجه قانونوندا شهرین یاشیل آلانینین قوروماسی و گلیشدیرمه سی اوچون ۵۰۰ میلیاردا یاخین اعتیبار گؤزله نیلیر.
تبریز بلدییه باشچیسی سؤزلرینین سونوندا وطنداشلاردان شهرین یاشیل آلانلارینین گلیشمه و قوروما ساحه لرینده ایشتیراک ائتمه لرینی ایسته دی.
برچسب ها :
ناموجود- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰