معصومه ابتکار: آراز سویونون اورمو گؤلونه کؤچرولمه سینه قارشییام

 آی نیوز– یاشام چئوره تشکیلاتینین مودور اورمو گؤلونون حؤوضه سینه مجازی سویون کؤچرولمه سینی اویغون یول گؤرمه دییینی بیلدیریب دئدی: یاشام چئوره تشکیلاتی آراز سویونون اورمو گؤلونه کؤچرولمه سینه قارشی دیر.

معصومه ابتکار اورمو گؤلو خیلاص ائتمه قورپلاریله گؤروشده بونو بیان ائده رک کی یاشام چئوره تشکیلاتی آراز سویونون اورمو گؤلونه کؤچرولمه سینه قارشی دیر بیان ائتدی: لازیم و یئترلی قیمت لندیرمه لرین اولماماسینا گؤره بو تشکیلات آراز سویونون اورمو گؤلونه کؤچرولمه سینه قارشی دیر بونا گؤره ده بو تشکیلات ایندییه کیمی بو لایحه ایله راضیلاشا بیلمه ییب دیر.

او اورمو گؤلونون حؤوضه سینه مجازی سویون کؤچرولمه سینی اویغون یول گؤرمه ییب، بونو علاوه ائتدی کی بو ایش بوندان علاوه کی اقتیصادی منفعت لری یوخدور. کند تصروفاتی قیسم لرینه ده ضررلی اولماغینی قئید ائتدی.

اؤلکه نین یاشام چئوره تشکیلاتینین مودورو بیان ائتدی: اورمو گؤلونون برپا ائتمه میللی پلان متخصیص لرینین آراشدیرما سونوجلاری خرداد آیینا قدر اعلان اولوناجاق همچینین آرتیردی: الیمیزده اولان لایحه لرین ایندیکی دورملارینی بو مسئله یه گؤره لنگیتمه مه لیییک و ان قیسسا مددتده اورمو گؤلونون سو حاقلارینی اورمو گؤلونون حؤوضه سینده ساخلانیلان آنبارلاردان تأمین اولوننمالیدیر بونا گؤره کی جاری واخت، سولارین بوراخیلماسی اوچون ان یاخشی دورم حئساب اولونا بیلر چونکو اوردا هاوا ایستی لییینه گؤره هئچ بیر بوخارلانما یوخدور و کند تصروفاتیندادا محصول گؤتورمه اولونمور.