کد خبر : 407
تاریخ انتشار : یکشنبه 31 شهریور 1392 - 19:13

انقلاب رهبری: سوریه‌ده نظامی دخالت قطعاً آمریکانین ضررینه‌دیر

انقلاب رهبری: سوریه‌ده نظامی دخالت قطعاً آمریکانین ضررینه‌دیر

اسلامی انقلابین رهبری حضرت آیت‌الله العظمی خامنه‌ای، چهارشنبه گونو ۱۱-جی دولتین بیرینجی گؤروشونده آقای روحانی‌نی مطلوب، اعتمادلی و آیدین انقلابی سابقه‌لی اولان رئیس جمهور آدلاندیریب.

 

انقلاب رهبری دئییب: مطلوب دولتین مهم شاخصلرین سایماغینان آرتیردیلار: اقتصاد و علمی بیرینجی اولویّتده یئرلشدیرین و باهالیغی مهار ائله‌ماغینان و اقتصاد عرصه‌سینده تحرّک و آرامشی یاراتماغینان جماعتین گله‌جاغا اولان اومیدینی آرتیرین.
اونلار هابئله آمریکانین سوریه‌ده نظامی دخالتینه تهدید ائله‌ماغینی منطقه‌یه قطعی فاجعه ساییب تأکید ائله‌دیلر: هر جور دخالت و جنگ دالیسیجان اولماق حتماً اود یاندیرانلارین ضررینه اولاجاق.
حضرت آیت‌الله خامنه‌ای منطقه‌نین بحرانلی و حساس اولدوغونا اشاره ائدیب دئدیلر: بیزیم مصرین داخلی ایشلرینده دخالت ائله‌ماق قصدیمیز یوخدور آما مصر جماعتی‌نین اؤلدورولمه‌سینه‌ ده گؤز یوما بیلمه‌روق.
اونلار تأکید ائله‌دیر: بیز سلاحسیز اولان مصر جماعتی‌نین اؤلدورولمه‌سینی محکوم ائلیروق.
اسلامی انقلاب رهبری آرتیردیلار: بو قیرغی‌نین عاملی هر کیم اولسا، جمهوری اسلامی طرفیندن محکومدور.
حضرت آیت‌الله خامنه‌ای دئدیلر: مصرده داخلی جنگدن چکینماق لازمدیر چونکی مصرده داخلی جنگ، اسلام دنیاسی و منطقه‌یه بیر فاجعه ساییلیر.
اسلامی انقلاب رهبری سوریه حادثه‌لری باره‌ده و آمریکانین تهدید و محتمل دخالتینی منطقه‌یه فاجعه بیلیب تأکید ائله‌دیلر: بئله بیر ایش اولسا حتماً آمریکالیلار افغانستاندا و عراقدا اولدوغو کیمی ضرر گؤره‌جاقلار.
اونلار تأکید ائله‌دیلر: بو جنگ سالماق، باروت آمبارینا جرقّه کیمیدیر کی اونون ابعادی و نتیجه‌لری بللی اولمایاجاق.

برچسب ها :

ناموجود

ارسال نظر شما
مجموع نظرات : 0 در انتظار بررسی : 0 انتشار یافته : ۰
  • نظرات ارسال شده توسط شما، پس از تایید توسط مدیران سایت منتشر خواهد شد.
  • نظراتی که حاوی تهمت یا افترا باشد منتشر نخواهد شد.