چاپ ایمیل - شناسه: 22080

اوچ ایل دیر کی من بو محله نی تانیمیشام و بورادا یاشاییرام؛ اولده دوره مه دقت وئرمییب و چوخلو ایشلری بیلمزدیم.

بیر زاماندان سونرا ائله چئتینلیک گورندن سونرا منده بیلدیم کی یاشادیغیم یئرین چوخلو ایراد لاری واردیر.
 کوچه میز توپراقدی، قیش فصلینده هر یان پالچیق اولور یای گونلرینده هر یان توز توپراق اولور و بونلار هر تمیزلیقی آرادان آپاریر. یای دا چوخلو کوپک، پیشیک، آری و میلچک بو چاین قیراغیندا کی بیر آشغال یئرینه چئوریلیب گوزه گورسنیر ائله اونلاردا اوزلرینه  خاطیر یاخشی بورادا یاشاییلار .
باتیق  سولارین آزاد اولماسی،آشغال لارین ایسی، یئرین توپراق اولماسی چوخلو ایشلر بورادا باشا وئریب.
اما بیز اوشاقلارا یاخشی بیر اویون یئریدیر کی هله بیلمیریک نه قدر زیانی واردیر. ائله آنالاریمیز هی های کوی سالیلار باتیق یئرده اوینامایین، کیمدی قولاق آسان.
یای فصلینده نئچه اوشاقلاری گورموشم کی زیبیل لرین ایچینده نایلون،دمیر آختاریلار اونلارلا چورک قازانسینلار. نه دئمک شهرین هر بیر یئری بئله اولا بیلمز.
بیزده تمیز یئر عوضینده بئله توزلی توپراقلی یئرده یاشییریق.بیلمم نئجه اولاجاق آخی بیز اوکولده اویرنمیشیک کی تمیزلیک ایماندان گلیر. اما هانی؟
یئنه ده یای گلیر و یئنه ده بو سوزلر و ایشلر باشلاناجاق و تکجه بوردا یاشایان عایله لر بیلیلر کی بورانین نه قدر چئتینلیک لری واردی.


آدرس کوتاه خبر: http://aynews.ir/22080

آی خبر © Aynews.ir 2007-2019