اولومه سبب اولان تصادف لارین ۸۰%ی یوخاری سرعت نتیجه سی دیر
تبریز بلدیه رئیسی دئدی: کئچن ایل شهر ایچینده اولان اؤلومله نتیجه‌لنه‌ن تصادف لرین %۸۰-ی ماشینلارین یولدا استاندارددان داها چوخ سرعتلی گئتمه نتیجه سینه باش وئریب.
آی نیوزون خبرینه گؤره، یعقوب هوشیار تبریز شهر شوراسینین ۲۲۹-جو جلسه سینده، ترافیک تصادفوندا اؤلن ایشچی عاییله‌سینه باش ساغلیغی وئریب، دئدی: شهری خدمت قایدالاری اساسیندا ایشچیلر و خصوصا تمیزلیک ایشچیلرینه ایش زامانی ایمنی حاقّیندا لازیم اولان تدبیرلر و احتیاطلار اؤیره‌دیلیر.
او، دؤردونجو بؤلگه بلدیه سینین تمیزلک ایشچی سی سجاد کبیری حاقّیندا باش وئرن حادثه‌یه ایشاره ائدیب و دئدی: محکمه‌نین متخصص لریینین (کارشناسلارینین) آراشدیرمالارینا گؤره بو حادثه سرعت لاینی نین اولدوغو یئرده باش وئرمه‌ییب و ماشین سوروجوسو چوخ یوخاری سرعتله حرکت ائدیب.
تبریز بلدیه رئیسی کئچن ایل یول تصادفلری نتیجه‌سینده ۱۲۰ نفرین اؤلدویونو خاطیرلادیب بئله دئدی: شهر ایچینده اولان اؤلومله نتیجه‌لنه‌ن تصادف لرین %۸۰-ی ماشینلارین یول سرعتیندن داها چوخ سرعتله حرکتی نتیجه‌سینده اولور؛ ائله بو تصادف نتیجه‌سینده اؤلنلرین %۷۰-ی سوروجولرین اوزو و %۳۰-ی پیادالار و عادی همشهری لر اولور.
او داوام ائدیب کی، یاخین اوچ ایلده یول ترافیکینی کنترل ائدن ترافیک دوربون لرینین سایی آرتدی و بلدیه ایشچی لری ایله باغلی اولان تصادف ده، حادثه یئریندن قاچان سوروجو، خیاوان لار و کؤچه‌لرین ترافیک تصویرلرینین تفتیش ائدیلمه‌سی نتیجه‌سینده اله کئچدی.
هوشیار دانیشماسینین باشقا بیر بؤلومونده آز سایی‌دا اولان قانونلاری سایمایان سوروجولردن دانیشیب و دئییب کی، تبریز بلدیه سینین تکلیفی ایله بلدیه طرفیندن محکمه یه بیر مکتوب گؤندریله‌جک و بو مکتوبدا قایدا پوزان و یولدا سرعتی آشان ماشینلارا قارشی قانونون داها محکم و سرت تطببق ائدیلمه‌سی و بو ماشینلارین توقیف ائدیلمه‌سی ایسته‌یه‌جک.
او دئدی: تکجه تمیزلیک ایشچیلرین یول قازاسی نتیجه‌سینده اؤلمه‌سی دئییل، بلکه همشهریلرین ده یول حادثه لری نتیجه‌سینده اؤلمه‌سی ده چوخ پیس بیر حادثه‌دیر و قانون قوروملاری اؤلنلرین سایی‌نین آزالماسی اوچون داها سرت و محکم قانونلار یازمالیدیرلار.
تبریز بلدیه رئیسینین سوزلرینه گؤره، گلن ایل تبریز بودجه سینده ۱۲ مکانیکی یول سوپورن ماشین آلما مسئله سی تعریفلنیب دیر، البته شورانین تخصصی کمیسیونلارینین راضیلیغی ایله بو سایی آرتدیریلا بیلر.
او شهرین خطرلی نقطه‌لرینی تاپماق و بو نقطه‌لرده اولان تهلوکه‌لی مانع‌لری آرادان قالدیرماق حاقّیندا خبر وئردی.
تبریز بلدیه رئیسی بو بلدیه اداره سینین مختلف دؤورونده ایشچیلرین و اؤلومله نتیجه‌لنه‌ن حادثه لرینین آزالدیغینی و بیلدیریب و بئله دئییب: ۱۳۹۵-جی ایلدن ۱۴۰۰-جی ایله قدر ۲۴ ایشچی حیاتینی ایتیریب، آنجاق و بلدیه نین بو دؤورونده بو سایی ۲ نفره دوشوب و بو دا تبریز شهری و شهری شوراسینین ایشچیلرین ایمنی مسأله‌سینه اهمیت وئردیگینی گؤستریر.
او تأکید ائدیب کی، تمیزلیک ایشچی قارداشلاریمیزین ایمنی و جانلاری بیزیم اوچون چوخ اهمیتلی‌دیر و بیز اینانیریق کی، ۲ اؤلومله نتیجه‌لنه‌ن قازا دا اولمازدی.
اولومه سبب اولان تصادف اولومه سبب اولان تصادف
برچسب ها :آی نیوز ، اولومه سبب اولان تصادف ، بلدیه ایشچی سی ، تمیزلیک ایشچی سی ، شهردار تبریز ، یعقوب هوشیار
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰