دؤردونجو میللی عاشیقلار فستیوالی باشا چاتدی
آی نیوز – دؤردونجو میللی آشیقلار فستیوالی (“ایران وحدت نغمه‌سی”) تبریزده سون مراسیمین کئچیریلمه‌سی ایله باشا چاتدی.
آی نیوز-ون خبرینه گؤره، نبی اکرم حضرت محمد(ص)-ین مبعثی ایله عینی زاماندا اولاراق دؤردونجو میللی آشیقلار فستیوالی (“ایران وحدت نغمه‌سی”)-نین سون مراسیمی تبریزده کئچیریلدی. دؤردونجو میللی عاشیقلار فستیوالی
بو مراسیم ۱۴۰۳-جو ایل بهمن آیی‌نین ۹-او، سه‌شنبه گونو، ساعات ۱۵:۳۰-دا تبریزین خاوران بین‌المللی کونفرانس سالونوندا هنرمندلر، مسئوللار و همشهری لرین ایشتیراکی ایله کئچیریلیر.
دؤردونجو میللی عاشیقلار فستیوالی تبریزده و ورزقان، عجب‌شیر، بستان‌آباد، مرند شهرلرینده، شرقی و غربی آذربایجان، گلستان، کرمانشاه، چهارمحال و بختیاری، شمالی و رضوی خراسان، فارس، همدان، زنجان و اردبیل اوستانلاریندان اولان قروپلارین ایشتیراکی ایله بهمن آیی‌نین ۵-دن کئچیریلیب و بو فستیوالین سون مراسیمی ده بهمن آیی‌نین ۹-او سه‌شنبه گونو کئچیریل دی.
اؤلکه‌نین موختلیف اوستانلاریندان فولکلور و آشیق موسیقی‌لرینین موختلیف ایفالاری و ایفاسی شیوه‌لری بو فستیوالین تایسیز خوصوصیت‌لری اولوب و هنری و ادبی ایکی بؤلومده کئچیریلیب.
همچینین بو فستیوالین سون مراسیمینده ۲۰۰-دن چوخ آشیق موسیقی‌سی هنرمندی عینی زاماندا و بیرلیکده موسیقی ایفاسی ائتدی.
آی نیوز – دؤردونجو میللی آشیقلار فستیوالی (“ایران وحدت نغمه‌سی”) تبریزده سون مراسیمین کئچیریلمه‌سی ایله باشا چاتدی.
عاشیقلار فستیوالی بئش گون مدتینده ایرانین مختلف بولگه لرینده یاشاییان عاشیقلارینین حضورو ایله الغدیر مدنیت ساراییندا و شرقی آذربایجانین دورد باشقا شهرینده یاریشدیلار.
بو فستیوال هم تبریزده و هم باشقا شهرلرده مدنیت سئور هموطن لریمیزین چوخ ایستی قارشیلاماسینا معروض قالدی.
یئددی ایلدن بری بو فستیوال قورولمامیشدیر.
برچسب ها :آذربایجان تورکجه سی ، آی نیوز ، تورکجه خبر ، خبر ترکی ، دؤردونجو میللی عاشیقلار فستیوالی
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰