اورمو گؤلونون شرایطی یئنی و یارادیجی اکینچی‌لیک نۆمونه‌لرینه ساری حرکت ائتمه‌نین ضروری قیلیب
شرقی آذربایجانین والیسی دئدی: اورمو گؤلونون زیست‌محیط تهدیدی کیمی خصوصی شراییطینه گؤره، ائله نۆمونەلر طراحی ائدیلمه‌سی لازیمدیر کی، بو ایش ده اکینچی‌لیک بؤلمهسینین سیاست قویماسینا تاپشیریلیب.
آی نیوزون خبرینه گؤره، شرقی آذربایجان والیسی اکینچی‌لیک بؤلمهسینین ایستحصالچی و مصرف ائدن آراسیندا قیمت‌قویما فاصیله‌سینه اشاره ائدرک دئدی: اکینچی‌لیک بؤلمه‌سی، اکیندن درمه‌یه دک یارادیجی و یئنی یوللارا، اقلیمه اویغون یئنی تکنولوژی‌لره و یئنی نۆمونەلر یارادماقلا هوشمند اکینچی‌لیگی توسعه وئرمه‌یه احتیاجلی‌دیر.
بهرام سرمست، شرقی آذربایجاندا بوغدا ایستحصالیندا رکورد قیرماق جشنینده و ملی و اوستانی نۆمونه‌لیک اکینچیلرین تقدیر ائدیلمه‌سی ایله بیرلیکده تبریزده کئچیریلن مراسیمده بئله اظهار ائتدی: اکینچی‌لیک ساحه‌سینده اولان گؤستریجی‌لری تکرار نظرده‌ن کئچیرمه‌یه احتیاجیمیز وار، اکینچی‌لیگین دَیَرلندیریلمه‌سی گؤستریجی‌لری تجدید نظر ائدیلمه‌لی و اکینچی‌لیگی توسعه وئرمک اوچون تکنیکی و علمی گؤستریجی‌لر یئنیدن تعریف ائدیلمه‌لیدیر.
او علاوه ائتدی: توپراق و سو قایناقلارینین ایداره‌ائدیلمه‌سی، زیان و خسته‌لیک‌لره نظارت، اقتصادی گؤستریجی‌لر کیمی خرجلره صرفه‌ائتمه، پایدار گلیر قازانماق، ساتیش بازارینین ایداره‌ائدیلمه‌سی و اکینچی‌لیک محصوللارینین ساتیش بازاریندا دؤولتین پایى معین ائدیلمه‌لیدیر.
او بیان ائتدی: بونا دک چوخ اؤزوموزله تعارف ائدیب و همیشه دئییریک کی، اکینچیلر بیزیم اوچون دَیَرلی‌دیر و اکینچی‌لیک و مالدارلیغی انبیا شغلی بیلیریک، اما اگر سیاست‌قویما و تصمیم‌گیرمه‌لرده ده بو اهمیت وئرمه نظرده آلینسایدی، بو گۆنکو شرایطده اولمازدیق.
شرقی آذربایجانین استاندارى مطرح ائتدی: دفعه‌لرله اوستاندا ثبات‌سیز و اؤن گؤرولمز سیاست‌لر نتیجه‌سینده اکینچی طبقه‌نین زیان گؤردویونون شاهیدی اولموشوق کی، بونا سبب اولوب اکینچیلر بیر ایل محصوللارینی کنار آتسینلار و باشقا ایل محصولون باهالاشماسینا رغماً ایستحصال ائتمه‌سینلر.
اورمو گؤلونون خصوصی شرایطی
او علاوه ائتدی: بیز اؤلچمه‌لی‌ییک کی، هانسی محصوللار اقلیمیمیز و سو قایناقلاریمیز اوچون اویغون اولار و اکینچی‌لیک بؤلمهسینین بازده‌لیگینی یوخاری آپارا بیلر.
او ایستحصال پروسه‌سینده ضایعاتی آزالتمانی، محصوللارین بیرجور اولماسینی، صادرات استانداردلارینا رعایت ائتمه‌نی و یوکسک انباردا ساخلاما عؤمرو اولان محصوللار ایستحصال ائتمه‌نین اؤنملینه تاکید ائتدی.
سرمست اظهار ائتدی: اورمو گؤلونون زیست محیطی تهدید کیمی خصوصی شراییطینه گؤره، ائله نۆمونەلر طراحی ائدیلمه‌سی لازیمدیر کی، بو ایش ده اکینچی‌لیک بؤلمهسینین سیاست قویماسینا تاپشیریلیب.
اورمو گؤلونون شرایطی یئنی اورمو گؤلونون شرایطی یئنی
شرقی آذربایجانین والیسی دئدی: اورمو گؤلونون زیست‌محیط تهدیدی کیمی خصوصی شراییطینه گؤره، ائله نۆمونەلر طراحی ائدیلمه‌سی لازیمدیر کی، بو ایش ده اکینچی‌لیک بؤلمهسینین سیاست قویماسینا تاپشیریلیب.
برچسب ها :آی نیوز ، اورمو گؤلونون شرایطی یئنی ، بهرام سرمست ، تورکجه خبر ، خبر ، سرمست ، شرقی آذربایجان والیسی
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰