تبریزین مدنیت هفته سی، خالقلار آراسیندا باغلانتی اوچون فرصت
تبریز شهر شوراسینین عضولری تهراندا تبریزین فرهنگی هفته‌سینین نمایشگاهینی زیارت ائتدیلر.
آی نیوز – تبریز شهر شوراسینین سرمایه‌گذاری، توریزم و ایش محیطینی یاخشیلاشدیرما کمیسسیونونون رئیسی، تبریزین مدنیت هفته‌سینین کئچیریلمه‌سینی خالقلار، میللتلر و دیگر مدنیتلر آراسیندا باغلانتی اوچون فرصت اولاراق تانیتدی.
حجت‌الاسلام سید کاظم زعفرانچی‌لر، تهراندا تبریزین مدنیت هفته‌سینین ال صنعتلری سرگیسینی زیارت ائده‌رک، بیلدیردی: مدنیت، جامعه نین موختلیف بولوملری آراسیندا باغلانتی عامیلی و شهرین اداره ائتمه‌سی اوچون لازیم اولان ان اهمیّتلی موضوعدور.
او، مدنیت هفته‌لرینین کئچیریلمه‌سینی خالقلارین مدنی دَیَرلرینی تانیتماق اوچون فرصت اولاراق قئید ائده‌رک، آرتیردی: مدنیت هفته‌لری، بیر خالقین عنعنه و رسم لرینی، تاریخینی و مدنیتینین بوتون جهتلرینی تانیتماق اوچون فرصتدیر و بونونلا یاناشی، خالقلار و دیگر مدنیتلرین بیر‌بیری ایله تانیش اولماسینین عامیلیدیر.
تبریز شهر شوراسینین بو عضو‌سو، مدنی حادثه لر و شنلیک لرینین کئچیریلمه‌سینی جامعه نین مدنی اینکیشافی‌نین آچاری اولاراق بیلدیردی.
زعفرانچی‌لر، تهراندا تبریزین مدنیت هفته‌سینین کئچیریلمه‌سی ایله باغلی اولاراق دئدی: پایتخت، اؤزل شرایطی و موختلیف خالقلار، میللتلر و مدنیتلرین حضورونا گؤره، دیگر استانلار و دونیانین اؤلکه‌لری اوچون بویوک شهرلرین تاریخی و مدنی دَیَرلرینی عرضه ائتمک اوچون فرصتدیر.
او، مدنی حادثه لرین کئچیریلمه‌سینی خالقلار و میللتلر آراسیندا صمیمیت و باغلانتی، و همچنین جامعه نین اینکیشافی و رشدونون عامیلی اولاراق قئید ائتدی.
قئید ائتمک لازیمدیر کی، تبریزین مدنیت هفته‌سی، ۳۱ اهمیتلی برنامه ایله ۲۲-دن ۲۹ بهمن‌ه قدر کئچیریلیر و بو مدنی حادثه اختتامیه‌سی، ۲۹ بهمن‌ده مقام معظم رهبری ایله گؤروش اولاجاق.
تبریزین مدنیت هفته سی تبریزین مدنیت هفته سی
برچسب ها :آی نیوز ، تبریزین مدنیت هفته سی ، زعفرانچی لر ، عضو شورای شهر تبریز
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 2 در انتظار بررسی : 0 انتشار یافته : ۰