جمهور رئیسی: هرکس گؤروب دور کی، اینسان حاقلاریندان دانیشانلار یالانچیدیرلار
جمعور رئیسی، مسعود پزشکیان بیلدیردی: دوشمنلریمیز اینسان حاقلاریندان اوترو دایاندیقلارینی ادعا ائدیر و ایرانا تروریست دئییرلر.
آی نیوز – جمعور رئیسی، مسعود پزشکیان بیلدیردی: دوشمنلریمیز اینسان حاقلاریندان اوترو دایاندیقلارینی ادعا ائدیر و ایرانا تروریست دئییرلر، اما حقیقتده ایران ترورون حقیقی قوربانی‌دیر. هرکسه گؤروب‌دور کی، اینسانلیق و اینسان حاقلاریندان اوترو دایاندیقلارینی ادعا ائدنلر یالانچیدیرلار.
شهریارین سایتینین خبرینه گوره ، رئیس‌جمهور مسعود پزشکیان تهراندا “تبریزین مدنیت هفته‌سی” نین اختتامیه مراسیمینده، بو جمعیتده اولماغین اونا ممنونیت و اورک خوشلوغو وئردیگینی بیلدیره رک، ائلان ائتدی: من عهد و پیمانیمه صادیق‌ام و اینشالله معظم رهبریمیزین بویوروقلاری ایله گوجلو شکیلده ایلرییه دوغرو گئده‌جی‌ییک.
رئیس‌جمهور، خالقین اؤلکه‌نین اینکیشافی‌ندا رولونون اهمیتی‌نه اشاره ائده‌رک، دئدی: من تبریزده دانشگاه رئیسی اولاندا، خالقین دایاغی ایله استانین اینکیشافی اوچون لازیم اولان هر ایشی گؤردوک، چون خالق بیزدن صداقت گؤردو. بو گون ده بیز صادق‌انه صحنه‌یه چیخمیشیق. نه مقام ایسته‌ییریک، نه ده بو موقعیتلردن غرورا دۆشوروک. بیز بو یئرده‌ییک کی، خالقا خدمت ائده‌ک و اۇلارین گرهلرینی آچاق. بدخواهلارین بوتون ادعا و توطئه‌لرینه باخمایاراق، خوْدانین گوجو و خالقین کومکی ایله بو شرایطدن غئیری‌له چیخاجاغیق.
پزشکیان، ۱۳۵۶-جی ایلین ۲۹ بهمن تاریخی تبریز خالقینین قیامینا اشاره ائده‌رک، دئدی: بو گون تبریز خالقینین جسارت، ایمان و بیرلیگینین گؤستریجی‌دیر. اگر ۲۹ بهمن اولماسایدی، بو اینقیلاب دا اولمازدی. تبریز خالقی قیامی ایله صحنه‌نی دییشدی، ظلمه قارشی دایاندی و دؤیوشده ده وارلیغینی ثابت ائتدی. بو گون ده ثابت ائده‌جی‌ییک کی، واریق و ایران اوچون جان‌فداییک.
رئیس‌جمهور، تبریزین همیشه اؤلکه اوچون فخیر منبعی اولدوغونو بیلدیره رک، ائلان ائتدی: رهبریمیزین دئدیگی کیمی، آذربایجان همیشه ایرانین باشی اولوب. اگر بو باش دوغرو قرارلار وئرر و دوغرو حرکت ائدرسه، ایران اسلامی‌نی عظمته آپاراجاق. آذربایجان اینقیلابا دایاخدی.
رئیس‌جمهور آرتیردی: بئله بیر یولدا آدیم آتیریق کی، چوخلو چتینلیکلرله قارشی‌لاشی‌ریق، اما اینانیرام کی، الله ین لطفو و بیرلیک‌له بو بحرانلاری گوج و عظمت‌له آشاراق کئچه‌جه‌ییک.
پزشکیان، ایچ‌ده وفاق و همسایه‌لر و دیگر اؤلکه‌لرله تعامل سیاستیمیزه اشاره ائده‌رک، دئدی: اینانیریق کی، بوتون مسلمانلار قارداشدیر و ظلم، تبعیض و بی‌عدالتی‌یه قارشی بیرلیک‌له دایانمالیدیرلار.
رئیس‌جمهور، دوشمنلرین اینقیلابین قازانماسیندان بری بوتون توطئه‌لر و داش آتمالاری و ایرانا قارشی اۇیغولادیقلارینی اویونلاری بیلدیره رک، دئدی: طبسده دوشمنین هوجومو اۇغورسوز قالاندا، الله اۇلارین باشینا بلانی گتیردی و ۸ ایللیک تحمیلی دؤیوشو ایران خالقینا تحمیل ائتدیلر. اۇلار، خالقا خدمت ائتمک اوچون صحنه‌ده اولان ان یاخشی گنجلریمیزی الیمیزدن آلدیلار. اگر بو گون اۇ گنجلریمیز یاشایاردی‌سا، اؤلکه‌نین وضعیتی بو گونکو کیمی اولمازدی.
پزشکیان، قدیملری یاخشی تانینانلارین دوشمنین ایراندان نجه یاخشی و صادق گنجلر آلدیغینی بیلدیگینی خاطرلشدیره رک، آرتیردی: اۇ گنجلریمیز منتسیز و ادعاسیز یالنیز خالقا خدمت ائتمک ایسته‌ییردیلر، اما دوشمنلرین دؤیوش و توطئه‌لری اۇ گنجلریمیز و باشقا عزیزلریمیز، او جمله‌دن رئیس‌جمهورلار، جمعه‌ایماملار و عالیملریمیزی الیمیزدن آلدیلار. دوشمنلر ۱۸ مین نفرین خیابان ترورونو حیاتا کئچیردی.
رئیس‌جمهور آرتیردی: دوشمنلریمیز اینسان حاقلاریندان اوترو دایاندیقلارینی ادعا ائدیر و ایرانا تروریست دئییرلر، اما حقیقتده ایران ترورون حقیقی قوربانی‌دیر. هرکسه گؤروب‌دور کی، اینسانلیق و اینسان حاقلاریندان دایاندیقلارینی ادعا ائدنلر یالانچیدیرلار.
پزشکیان، صهیونیست رژیمینین غزه‌نین مظلوم و مدافعه سیز خالقینا قارشی اینسانلیق‌ا ضید جنایتلرینی قئید ائده‌رک، دئدی: اۇلار بوتون دونیانین گؤزلری قاباغیندا قادین، اۇشاق، یاشلی و گنجلری توْرپاغین آلتینا گومور و سونرا اینسان حاقلاریندان دانیشیرلار.
رئیس‌جمهور، “بو گون دونیادا کیم اینانیر کی، اۇلار اینسان حاقلاری و سولح ایسته‌ییرلر؟” سوالینی وئره‌رک، تصریح ائتدی: بیز قرآن کریم و پیغمبریمیزین یولو ایله سولح، قارداشلیق و بیرلیک‌دن یاناییریق و اینسانلیق و اینسان حاقلارینی سئویریک.
پزشکیان، اینکیشاف ائتمک اوچون سولح و آراملیق شرط اولدوغونو و دؤیوشده اینکیشافین مومکون اولمادیغینی بیلدیرهرک، ائلان ائتدی: بیز خالقیمیزا منت سیز خدمت ائتمک ایسته‌ییریک و بو نظام و اینقیلاب اوچون چالیشان خالقا خدمت ائتمگی وظیفه‌میز بیلیریک. دوشمنلر اؤلکه‌میزین بوتون یوللارینی باغلایاراق خالقی ناراضیلاشدیرماق ایسته‌ییرلر، اما اۇلارین خیاللاری باطیل‌دیر. بیز بو بؤیوک خالقیمیز اولدوغو مودتجه، اۇلارین امنیت و آراملیغی بوزماق پلانلارینی الله ین گوجو ایله، رهبریمیزین بویوروقلاری ایله و میللی بیرلیک‌له خنثی ائده‌جی‌ییک.
تبریزین مدنیت هفته‌سی ۲۲-دن ۲۹ بهمن ۱۴۰۳-ه قدر تبریزین فرهنگی، هنری و ایقتیصادی ظرفیتلرینی پایتخته تانیتماق مقصدی‌له کئچیریلدی. بو حادثه، تبریزین اینجه صنعت اثرلری و ال صنعتلری‌ندن سرگی لر، تهرانین دیالوگ و لاله پارکلاریندا قورولدو و ایرانین هنرمندلر ائوینده و میلاد بورجونون همایشلر مرکزینده تبریزله باغلی فیلملرین گؤستریشی، آذربایجانین کلاسیک موسیقیسینین اجراسی، شعر گئجه‌لری و تخصصی جلسه‌لر کیمی چوخ‌سایلی فرهنگی برنامه‌لر کئچیریلدی. بو مدنی هفته، تبریزی اؤلکه‌نین مدنی و تاریخی قطب‌لری‌ندن بیری اولاراق تانیتماق و مدنی و ایقتیصادی علاقه لرین اینکیشافی اوچون بیر آدیم اولاراق خیدمت ائتدی.
جمهور رئیسی: هرکس گؤروب جمهور رئیسی: هرکس گؤروب جمهور رئیسی: هرکس گؤروب جمهور رئیسی: هرکس گؤروب
برچسب ها :آی نیوز ، تبریز ، جمهور رئیسی: هرکس گؤروب ، رئیس جمهور ، مسعود پزشکیان ، هفته فرهنگی تبریز در تهران
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰