اینسان یاشلاندیقجا، ایکی خوصوصیت اوندا گنجله‌شیر!

چئویرمه آی نیوزدان دیر: اینسان یاشلاندیقجا، ایکی خوصوصیت

اینسان یاشلاندیقجا، ایکی خوصوصیت اوندا گنجله‌شیر!
🔻بیر گون هارون الرشید آداملارینا دئدی: گئدین، بیر شخص تاپین کی، پیامبر اسلام‌دن واسطه‌سیز حدیث ائشیدمیش اولسون. اونو یانیما گتیرین. من اوندان حدیث ائشیمک ایسته‌ییرم. هارونا دئدیلر کی، ایندی‌کی زاماندا (یوز ایلدن چوخ سونرا) پیامبردن واسطه‌سیز حدیث ائشیدن بیرینین اولماسی چوخ چتین‌دیر. هارون دئدی: گئدین، تاپین. بیر مودّت آرخادان سونرا بیر چوخ یاشلی قوجا آدام تاپدیلار و اونو بیر سبدین ایچینه قویوب هارونون یانینا گتیردیلر.

🔻هارون سوروشدو: قوجا آدام، سن رسول‌الله‌دن حدیث ائشیدیب‌سن؟ قوجا آدام جاواب وئردی: بله، جناب خلیفه، من یئددی یاشی‌م‌دا ایدیم کی، آتام‌لا بیرلیکده رسول‌الله‌ین خیدمتینه چاتدوق و من بیر حدیث ائشیدیم و اوندان سونرا اونو گؤرمه‌دیم. هارون سئویندی و دئدی: پیامبرین سؤزو نه ایدی؟ قوجا آدام دئدی:
رسول‌الله دئدی: اینسان زامانلا یاشلانیر و ایکی خوصوصیت اوندا گنجله‌شیر: حیرص و اوزون آرزولار.

🔻هارون بیر قیزیل کیسه‌سی اونا هدیه ائتدی و مأمورلار قوجا آدامی سبدینه قویوب تالاردان چخاردیلار. قوجا آدام مأمورلارا دئدی: منی گئری چئویرین؛ خلیفه‌له بیر ایشیم وار. دئدیلر: ایندی اولماز، واختین بیتیب. قوجا آدام دئدی: هنوز قصردان چیخمامیشیق. سیزدن خواهش ائدیرم منی گئری چئویرین، بیر ایشیم وار. اونو گئری چئویرنده، قوجا آدام هارونا دئدی: جناب خلیفه، بیلمه‌ک ایسته‌ییرم کی، بو قیزیل سکه‌لری یالنیز بو دفعه‌لیک‌دیر، یوخسا هر آی‌نین جیره‌سیدیر؟ هارون گولمه‌یه باشلادی و دئدی: پیامبر دوز دئدی، قوجا آدام، من سانمیردیم کی، سن بو قصرین ایچینده‌جه یاشایاجاقسان و بو بیر قیزیل کیسه‌سیندن ایستیفاده ائده‌جک‌سن؛ ایندی سن گله‌جک آیلارین حیرصینی چکیر‌سن و آرزوسونو ائدیر‌سن؟
اینسان یاشلاندیقجا، ایکی خوصوصیت
خبر هر شئی دئییل. هردن بیر حکایه، بیر تاپماجا، بیر ناغیل، بیر ساتیرا و گولمه جه ده اینسانلارا لازیم دیر. آشاغیداکی حئکایه نی اوخویون و گولومسه یین.