آغاجلارین هرس اصوللاری ایله تانیشلیق دوره‌لری کئچیریلدی

آی نیوز سایتینین خبرینه گؤره، سیامک آسیایی بو تشکیلاتین تالاریندا کئچیریلن هرس تعلیمی کلاسلارینین حاشیه‌سینده دئدی: “هرس، یاشیل فضا شهری آیتم‌لرینین ان فنی و اهمّیتلی حیصّه‌لریندن بیریدیر. دوغرو هرس ائدیلمه‌سی، آغاجلارین طراوت لی اولماسیندان علاوه، آفت و خسته‌لیکلرین کنترول‌ائدیلمه‌سی و آغاجلارین عمورونون اوزون اولماسیندا مؤثر رول اویناییر.” آغاجلارین هرس اصوللاری ایله

آسیایی، هرس و فورم‌لندیرمه عملیاتلارینین باشقا فایدالارینی دا قئید ائده‌رک، دئدی: “بو عملیاتلار، سو و توپراق منبعلرینین و گونش ایشیغینین مؤثّر ایستیفاده‌سینه ایمکان یارادیر. بو سایه د‌ه ده، بیتکی نؤوعلری یئرآلتی منبعلر و گونش ایشیغیندان آسانلیقلا ایستیفاده ائده‌بیلر.”

او، بو موضوع دا متخصصلر، ناظیرلر و هرس عملیاتی اکیپ‌لری اۆچون لازیملی تئوری و عملی تعلیملرین وئریلمه‌سینین اهمّیتینی وورغولادی و بو تشکیلاتین تالاریندا کئچیریلن دوره‌لرین بو مقصدله تشکیل اولوندوغونو بیلدیردی.

تبریز بلدیه‌سینین سیما، منظر و یاشیل فضا تشکیلاتینین مدیرعاملی، گئنیش هرس فصلینین باشلانماسی آرخاسیندا، وئریلن تعلیملرین قیش و بهار هرس عملیاتلارینین دها یاخشی حیاتا کئچیریلمه‌سینده مؤثر اولاجاغینا اومید بیلدیردی. آسیایی دئدی: “بو تعلیملر، شهریمیزده آفتلرین زامانیندا کنترول‌ائیلمه‌سی و آغاجلارین دها یاخشی اینکیشافی اۆچون چوخ اهمّیتلیدیر.”

تبریز بلدیه‌سینین سیما، منظر و یاشیل فضا تشکیلاتینین مدیرعاملی، یاشیل فضا هرس ساحه‌سی عملیاتی اکیپ‌لری اۆچون آغاجلارین هرس اصوللاری ایله تانیشلیق تئوری و عملی دوره‌لرینین کئچیریلمه‌سیندن خبر وئردی.

#هرس_تعلیمی

#یاشیل_فضا

#تبریز_بلدیه‌سی

#آغاج_باخیمی

#آفت_کنترولو

#عملی_تعلیملر

#تئوری_تعلیملر

#سیما_منظر