آسیایی بو پروژه حاقّیندا معلومات وئره‌رک دئدی: “ایرانین ایلک اوشاق باغچه‌سینی و ساغیرلار مکتبینین قوروجوسو اولان جبار باغچه‌بانین هیکلی، ایلک دفعه‌دیر کی سیما، منظره و یاشیل صحنه تشکیلاتی طرفیندن برونز ماده‌سیندن و ۴ متر اؤلچوسونده حاضیرلانیب. بو اثر، اؤلکه‌نین تانینمیش هنرکارلاریندان حبیب رزمی طرفیندن طراحی و حیاتا کئچیریلیب.”
تبریز بلدییه‌چیسی باغچه‌بانین ایرانین معاریف تاریخینده‌کی یوکسک یئرینه اشاره ائده‌رک، آرتیردی: “جبار باغچه‌بان تبریزده اوشاق باغچه‌سی و ساغیرلار مکتبینین قورولماسی ایله معاریف ساحه‌سینده اینقیلاب یاراتمیشدیر. اونون هیکلی، یالنیز اونون قییمتلی خیدمتلرینه میننتمدلیک دئییل، هم ده تبریزین یئنی فرهنگی موسسیه‌لرین قورولوشونداکی بی‌نظیر رولونو خاتیرلاتماق اۆچون بیر فرصتدیر.”
آسیایی، هیکلین باغچه‌بان محله‌سینده نصب اولونماسینین اونون حیاتی و فرهنگی فعالیتلریله معنالی بیر باغلانتی یاراتدیغینی دا وورغولادی.
سیما و منظره تشکیلاتینین مدیرعاملی سون اولاراق، بو هنر اثرینین گله‌جک نسیللر اۆچون ایلهام منبعی اولماسینا و فرهنگی شخصیتلرین جمعیتین ترقّیسینده‌کی رولونون داها یاخشی آنلاشیلماسینا اومید بیلدیردی
ارسال نظر شما
مجموع نظرات : 7 در انتظار بررسی : 0 انتشار یافته : ۰