آراز آزاد منطقه‌سینده خاورمیانه‌نین لاب بؤیوک سو پارکلاریندان بیری قورولور
آراز ورزشی و تفریحی سو پارکی مجتمعی‌نین کلنگی، ۵۷ میلیارد تومن خصوصی سرمایه اینن آراز آزاد منطقه‌سینده یئره وورولدو.
آراز آزاد منطقه‌سی‌نین عمومی رابطه‌لری‌نین وئردیغی خبره گؤره، بو تفریحی و ورزشی مجتمع ۹ هکتار یئرده و داخلی مهندسلرین طراحلیغی اینن آراز آزاد منطقه‌سینده قورولور.
آراز آزاد منطقه سازمانی‌نین مدیر عاملی احداثین باشلانما مراسمینده دئدی: توریزم و تفریح حوزه‌سینده تؤکولن برنامه‌لره گؤره، بو منطقه یاخین گله‌جاقدا اؤلکه‌نین لاب بؤیوک تفریحی و ورزشی مرکزلرین بیرینه چئوریله‌جاق.
صادق نجفی آرتیردی: ایکی ورزشی پارک، گلفرج سدّینده جت اسکی و سو اسکیسی تأسیساتی و نئچه آیری پروژه بو منطقه‌ده اجرا حالیندادیر.
آراز سو پارکی پروژه‌سی ۱۳۹۴-جی ایلین آخرلرینده دنیا استانداردلاری اینن استفاده‌یه وئریله‌جاق.
بو پروژه‌نین باشا چاتماسی اینن ۲۰۰ نفردن آرتیغا ایش یئرین یاراناجاق.
آراز سو پارکی پروژه‌سی مین دؤرد یوز نفر ظرفیتینن آراز چایی‌نین قیراغیندا و دؤرد اولدوزلو آراز هتلی‌نین یاخینلیغیندا یئرلشیب.
برچسب ها :
ناموجود- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰