تبریز بازاری دنیانین لاپ بؤیوک معمارلیق اؤدولونو قازاندی
۱۳۸۹-دا دنیانین بیرینجی و لاپ بؤیوک اوست اورتولو بازار کیمی یونسکونون میراث سیاهی‌سیندا ثبت اولان تبریزین تاریخی بازاری، دنیانین لاپ بؤیوک معمارلیق جایزه‌سینی قازاندی.
«آقاخان» معمارلیق جایزه‌سی، اوچ ایلدن بیر دنیانین بیر و یا نئچه دیری معمارینا وئریلر. بو جایزه، مالی لحاظدان دنیانین لاپ بؤیوک معمارلیق جایزه‌سیدیر. بو جایزه‌نین مقصدی معمارلیغین یاخجی نمونه‌لرینی تانیتدیرماقدیر.
بو بیر میلیونلوق جایزه‌نی قازانماق اوچون ۲۰ نامزد تانیتدیریلمیشدی کی ایراندان اولان ایکی پروژه‌نین بیری تبریزین تاریخی بازاریدی.
۲۰۱۳-جو ایلین آقاخان جایزه‌سی بئش : سودان، ایران، مراکش، فلسطین و اتریش اؤلکه‌لرینه وئریلدی. بو جایزه‌نین مبلغی بئش اؤلکه آراسیندا بؤلونور. بئله‌لیکله تبریز بازاری‌نین مرمّتی اوچون وئریلن جایزه‌نین مبلغی ۲۰۰ مین دولار اولور.
فرهنگی میراث سازمانی‌نین نماینده‌سی جایزه‌نی آلماق اوچون پرتغال اؤلکه‌سینه گئدیب. جایزه گلندن سونرا اونون نئجه خرجلنمه‌سی باره‌ده تصمیم توتولاجاق.
برچسب ها :
ناموجود- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰