۳-جو منطقه نین پیاده یولارینین گیریشینده مین‌دن چوخ ترافیک مانعی قورولدو
آی نیوزون وئردیگی خبره گؤره، مهدی نورسی دئدی: بۇ ایش، پیاده‌لارین امنیتینی آرتیرماق، موتوسیکلت و ماشینلارین پیاده‌یئریمه‌لره گیرمه‌سینین قارشیسینی آلماق و شهری گئدیش‌گلیشی سامانلاشدیرماق مقصدیله حیاتا کئچیریلیب.
تبریز بلدیه‌سینین ۳-جو منطقه‌سینین حمل و نَقل و ترافیک معاوینی – بۇ خبری وئره‌رک دئدی: وطنداشلارین گئدیش‌گلیش امنیتینی یوکسلتمک و پیاده‌لارین حوقوقلارینی قوْروماق مسیرینده، بو ایلین باشیندان بو گۆنه‌دک منطقه‌نین اساس و یان یوللارینداکی پیاده‌یئریمه‌لرین گیریشینده مین‌دن چوخ ترافیک مانیعه‌سی قۇرولوب.
اوْ، علاوه ائتدی: بۇ مانع‌لر، حمل و نقل واسیطه‌لرینین پیاده‌یئریمه‌لره گیرمه احتیمالی اوْلان یئرلرده یئرلشدیریلیب کی، ماشین و موتوسیکلت‌لرین ایجازه‌سیز گئدیشینین قارشیسینی آلماقلا یاناشی، وطنداشلارا، اؤزلله ده یاشلیلارا، اۇشاقلارا و عاجیللییی اوْلان کیمسه‌لره داها چوخ امنیت و آراملیق تقدیم اولسون.
نورسی، بۇ طرحین ساحه تفتیش‌لری و منطقه‌نین ترافیک احتیاجلارینین آراشدیریلماسینا اساسن حیاتا کئچیریلدیگینی بیلدیره‌رک دئدی: مانیعه قۇرماق اوْنجهلری، چوخ ترافیکلی یوللاردا، تحصیل، درمان، پارک و تیجارت مرکزلری اطرافیندا و پیاده‌لارین امنیتینین قوْروْونماسینین داها چوخ اوْهمیت داشیدیغی دیگر نوقطه‌لرده اوْلموشدور.
تبریز بلدیه‌سینین ۳-جو منطقه‌سینین حمل و نَقل و ترافیک معاوینی، بو ایلین باشیندان منطقه سطحینده پیاده‌یوللارینین گیریشینده مین‌دن چوخ ترافیک مانیعه‌سی قۇرولدوغونو بیلدیردی
