اورمونون ۸ میلیارد تن لوق دوز و زهرلی مواددی آذربایجانی تهدید ائدیر

آی نیوز: مصطفی قنبری کنفرانس کئچیرمه هم رای لیک اوتوروموندا اورمو گؤلونون قوروماسی سو ایله توپراق قایناقلاری اوزره نئجه ائتگی بوراخما سینا گؤره بئله دانیشدی:اورمو گؤلونون قوروماسییلا ۸ میلیارد تن لوق آغیر بیر توده کی عیبارت اولور دوز، زهرلی مواد و یئرده قالان آغیر فیلیزلردن و اونون منفی سونوجو ۱۰۰ کیلومتر شعانی احاطه ائدیب کنترلدان چیخاراندان سونرا شهرلری، کندلری حتی اؤلکه نین ایالت لرینین اکین آلتی یئرلرینین دورمونا ییخیجی ائتگی قویاجاق.
او دئدی: ایقلیم دورومونون داوام تاپماسی، سویون سدلرین آرخاسیندا ساخلانیلماسی،کند تصروفاتی ایله اویغون اولمایان یاتیریم و اورمو گؤلو ساحه سینین اکالوژی شراییطی و کند اراضی لرینین گلیشدیریلمه سی، اورمو گؤلونون قوروماسینین گوجلندیریلمه نظرییه سی بونو گؤستریرکی اونون قوروماسی آغیر بیر توده کی عیبارت اولور دوز، زهرلی مواد و یئرده قالان آغیر فیلیزلردن و اونون منفی سونوجو بو گؤلون ۱۰۰  کیلومترلیک شعاسینی کنترول ائدیلمز دورومونا سالاجاق.
قنبری خالق حرکتلرینین اهمیتینه ایشاره ائتدی و گؤلو ساخلاماق فعالیت لرینین سرعت لندیریلمه سی اوچون بئله دانیشدی: اتمسفرین کنترولو، اوزمان پلانلاشما، بولودلارین وئریملی لنمه سی، گؤلون یاخینلیغیندا هاوا شناس لیق آراشدیرما مرکزینین آچیلماسی، بو بؤلگه ده یئمک ایتیحصالی اصوللارینا گرکلی ده ییشیک لیک لر اوچون حددیندن آرتیق دیققت ائتمک، باغچیلیق بیتگی لرینین اینکیشافیندان فایدالانما، کند تصروفاتی بؤلومونده ایالت ده  اکینچیلیک نومونه لرینین اینکیشافی ایله سو ضررلرینین قاباغینین آلینماسی عملی اصوللاردان حئساب اولونا بیلرکی ایندییه قدر دیققته لاییق اولان پلانلاشما اولمامیشدیر.