تورکجه دیل و ادبییات ائوینین یارادیلماسی ایران دوشمن لرینی اومودسوز ائده جک

دوقتور محمد حسین زاده صدیق دئدی: آذربایجان تورکجه سینین دیل و ادبییات ائوینین یارانما ایستیقامتینده جان دیلدن و بوتون اوره کله شرقی آذربایجان والیسی یا هر هانسی بیر مؤوسسه کی آددیم آتماغا چالیشاجاق اونونلا امکداشلیق ائده جه یم.

آذربایجان تورکجه سینین دیل و ادبییات پروفسورو تدبیر و اومید دؤولتینین تورکجه دیل و ادبییات ائوینین یارادیلماسین اسلام رژیمینین دوشمن لرینین اومودسوزلوغونا سبب اولوناجاغینی بیلدیردی.

او بو حرکتی عزیز اؤلکه میز ایرانین اساسی قانونونا عمل ائتمک ایستیقامتینده ده یرلی و اویغون گؤرور و دئدی بو حرکت ایرانلی لارین اوره کلرینی بیر- بیرینه یاخینلادیب و اویغون بیر حرکت اولاجاق اؤلکه میز ایرانین موقددس رژیمینین دوشمن لرینین سوء قصدلرینی آرادان آپارماغا.

او دئدی: بونا باخمایاراق کی منیم ۷۰ یاشیم وار آما ۲۰ یاشیندا بیر گنج کیمی اگر دؤولتیمیزین اورقانلاری صلاح گؤرسه لر بوتون وجودوملا بو یولدا یاردیمجی اولاجاغام و بو ساحه ده هئچ بیر سعی و یا فیکیری اسیرگه مه یه جم.

اؤلکه نین اونیوئرسیته لرینین فارس دیل و ادبییات پروفسورو دئدی: من و ایرانداکی دیگر آذربایجان تورکجه سینین دیل متخصص و تدقیقچی لری آذربایجان تورکجه دیل ائوینین ساحه سینده پروقرام تقدیماتی و اجرایی ایشلر اوچون حاضیریق