شرقی آذربایجان والی لییینین قادین و عائیله ایشلر مودورو

 آی نیوز– بوشانمالارین چوخو یاشاییشین ۵ ایل اوللرینده ۱۵ دن ۲۹ یاشدا اولان اینسانلاردا اوز وئریر

سهیلا امیری شرقی بعضی کند و شهر یئرلرینده قیزلارین قانونی یاشدان آشاغیدا ائولنمه پروبلئملرینه ایشاره ائده رک دئدی: بو نؤوعده اولان ائولیلیک لرین چوخو قیزلارین سوسیال و روانی بلوغا چاتمامالارینا نظر سالاراق ارتباط پروبلئملریله بوشانما رقملرینین آرتماسینا سبب اولور.

او آرتیردی: تبلیغات تشکیلاتی بو یولدا ویجدانلی و اعتیبارلی اینسانلاردان کی روحانیلر توسطیله سئچیلیب لر ائولیلیک کولتورون گلیشدیرسین.

شرقی آذربایجان والی لییینین قادین و عائیله ایشلر مودورو کند شورالارینی بو مسئله نین آرادان گؤتورولمه سی اوچون یاخشی مکانیزم قئید ائتدی.

امیری نیکاح زامانیندا عائیله ائیتیمی پلانینا ایشاره ائدیب دئدی بو آددیم باشلایارسا چوخلو بوشانما رقملرینین آشاغی گلمه سینه سبب اولا بیلر بونا نظر سالاراق کی بوشانمالارین چوخو یاشاییشین ۵ ایل اوللرینده ۱۵ دن ۲۹ یاشیندا اولان اینسانلاردا اوز وئریر بو طرح یاخشی و اوصوللو یول اولا بیلر بوشانمالارین آزالما ساییسیندا.