تبریزده ۳۰۰ هکتار یاشیللیق و ۳۶ یئنی پارکین قورولور
تبریز بلدیه رئیسی، بو شهرین یاشیللیق ساحه سینین سون اوچ ایلده ۳۰۰ هکتار داها چوخالدیغینی بیلدیردی.
آی نیوزون خبرینه گوره، یعقوب هوشیار دئدی: شهرین اسلامی شوراسینین بئشینجی دؤورو ایله مقاییسه‌ده کی فقط ۴۶ هکتار یاشیللیق ساحه سی شهره علاوه ائدیلمیشدی، بو دؤورده بو ساحه‌ده گؤرکملی بیر بؤیومه‌یه شاهید اولموشوق.
یعقوب هوشیار، شهر حیاتینین کیفیتینین یاخشیلاشماسیندا یاشیل ساحه لرین اهمیتی‌نی وورغولایاراق دئدی: تبریز بلدیه‌سی بو توسعه روندینی داوام ائتدیرمگه چالیشیر و بو میقداری ۶۰۰ هکتارا یوکسلدمه یی هدف توتوب. البته بو میقداردان ایندیه‌دک ۳۰۰ هکتاری گرچکلشیب.
او داوام ائتدی: ایندی تبریزین ۱۵ میلیون متر مربع دن چوخ اؤلچوده ۲۹۶ پارکی و هر بیر نفره ۴.۱۷ متر مربع یاشیل ساحه سی وار و جمعی تبریزین یاشیللیق ساحه‌سی ۳۰ میلیون متر مربعدیر.
تبریز بلدیه رئیسی بیلدیریب: بو یاشیللیق شهرین طبیعی گؤزللیکلرینی یاخشیلاشدیرماقلا یاناشی، تبریز ساکینلری‌نین عمومی ساغلاملیق وضعیتینین یاخشیلاشماسیندا و رفاهینین آرتماسیندا دا مهم رول اویناییر.
او همچنین بلدیه‌نین شهر یاشیل ساحه لرینده شیمیایی کودلار بوتونلوکله آرادان قالدیرماق اوچون پلانلاشدیردیغی حاقدا خبر وئریب اعلان ائتدی: ایندی شهر سطحینده بو سیاستین پیاده ائدیلمه‌سی اوچون بیر علم-تحقیقاتی مجموعه ایله موقاویله باغلاما حالینداییق.
او علاوه ائتدی: بو تدبیرین مقصدی، شیمیایی ماده‌لرین یاشاییش محیطینه و همشهریلرین ساغلاملیغینا ضررلی اثرلرینی آزالتماقدیر.
هوشیار، صحبتی‌نین باشقا بیر بؤلومونده شهر خانیم‌لاری اوچون اؤزل بیر پروژه‌یه اشاره ائدیب بو باره‌ده بیان ائتدی: تبریز خانیم‌لاری اوچون ان بؤیوک رفاه مجموعه‌سینی قورماق اوچون ۵۰ هکتار یئر الده ائتمه حالیندایق کی، ایندیه‌دک ۲۵ هکتاری الده ائدیلیب.
او آرتیریب: بو پروژه، خانیم‌لار اوچون اؤزل مکانلارین توسعه‌سی ساحه‌سینده مهم تدبیرلردن بیری کیمی نظره آلینیر و تبریز خانیم‌لارینین اجتماعی، مدنی و ایدمان فعالیتلری اوچون موناسیب بیر مکانین تأمین ائدیلمه‌سی قرارلاشدیریلیب.
او همچنین سون اوچ ایلده ۳۶ یئنی پارک قورولماسیندان خبر وئریب آرتیردی: گلن ایلده بلدیه بؤلگه‌لرینی موظف ائتمیشیک کی شهر محدوده سی ایچینده یاشیللیق توسعه سینی بیرینجی اولویتده یئرلشدیرسینلر. تبریزده ۳۰۰ هکتار یاشیللیق تبریزده ۳۰۰ هکتار یاشیللیق
تبریز بلدیه رئیسی، بو شهرین یاشیللیق ساحه سینین سون اوچ ایلده ۳۰۰ هکتار داها چوخالدیغینی بیلدیردی.
برچسب ها :آذربایجان تورکجه سی ، آی نیوز ، تبریز ، تبریزده ۳۰۰ هکتار یاشیللیق ، تورکجه ، تورکجه خبر
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰