دکتر مبین مدنیت ساراییندا اوشاقلارا مخصوص سینما آچیلیب
آی نیوز – تبریز شهر شوراسی‌نین سرمایه و توریزم کمیسیونونون رئیسی اؤزل اوشاق سینماسی‌نین آچیلماسینین خبرینی وئردی.
آی نیوز سایتینین خبرینه گؤره، حجت‌الاسلام سید کاظم زعفرانچی‌لر ،دکتر مبین مدنیت ساراییندا کتاب و کتاب اوخوما ساحه‌سینده فعالیت گؤسترنلرین تقدیر اولونما مراسیمینده دئدی: هر بیر اثرلی حرکتین جامعه‌ده اوشاق‌لاردان باشلاماسی گئرکلی ضروی دیر
زعفرانچی لر دئدی: اوشاق دوستو شهرینی حیاتا کئچیرمک اوچون دکتر مبین مدنیت ساراییندا اؤزل اوشاق سینماسی آچیلیب . او علاوه ائتدی کی، اوشاق سینماسی‌نین محیطی اوشاقلارین دونیاسی معیارلاری اساسیندا شکل‌لندیریلیب و اوشاق فیلملری‌نین ان سون سس و تصویر سیستم‌لری ایله گؤستریلمه‌سی اوشاقلار و آتا آنالاری اوچون بو محیطده یاخشی و اونودولماز خاطیره‌لر یارادیر.
تبریز شهر شوراسی‌نین عضوی سوزلرینین داوامیندا بئله دئدی: گله‌جک نسلیمیز اولان اوشاقلارین مهم رولونو نظره آلاراق، اوشاقلارین اویون، شادلیق و تحصیل اوچون مناسب محیط یاراتماق، اونلارین گله‌جکده بویومه‌سی و اینکیشافی اوچون سرمایه‌یاتیرماقدا مهم رول اویناییر.
او اوشاقلارا مخصوص اولان سینمانین، سینما صنعتینده اهمیتلی و چوخ ایستیفاده اولونان بؤلوملریندن بیری اولدوغونو قئید ائدرک دئدی: همین اساسدا ۲۵۰ نفرلیق سیغیمی (گنجایش) اولان اوچونجو بؤلگه‌ده کی اؤزل اوشاق سینماسی، مدنی آلت تیکینتی لرین (زیرساخت های فرهنگی) اینکیشافی‌نین ان مهم و تأثیرلی ایشلریندن بیری حساب اولونور.
آی نیوز – تبریز شهر شوراسی‌نین سرمایه و توریزم کمیسیونونون رئیسی اؤزل اوشاق سینماسی‌نین آچیلماسینین خبرینی وئردی.
آی نیوز – تبریز شهر شوراسی‌نین سرمایه و توریزم کمیسیونونون رئیسی اؤزل اوشاق سینماسی‌نین آچیلماسینین خبرینی وئردی. آی نیوز – تبریز شهر شوراسی‌نین سرمایه و توریزم کمیسیونونون رئیسی اؤزل اوشاق سینماسی‌نین آچیلماسینین خبرینی وئردی.
برچسب ها :آذربایجان تورکجه سی ، آی نیوز ، اوشاق سینماسی ، ترکی آذربایجانی ، تورکجه خبر ، خبر ترکی ، دکتر مبین مدنیت ساراییندا ، سینما
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰