تبریزین تاریخی اراضیسینده توریزمین اینکیشافی اوچون بئش ایل‌لیک پلان حاضیرلانیر
آی نیوز – تبریز بلدیه سینین توریزم اینکیشافی ایداره‌سی‌نین مودور ایله سَککیزینجی بؤلگه‌نین بلدیه رئیسی ایله گؤروشمه‌سینده تاریخی منطقه ده توریزم امکاناتلارینی اینکیشاف ائتدیرمک اوچون بیرلیکده پروژه‌لرین حیاتا کئچیریلمه‌سی باره‌ده بحث ائدیلدی.
آی نیوز سایتینین خبرینه گؤره، بو گؤروشمه‌ده توریزم پروقراملارینی حیاتا کئچیرمک اوچون ایشبیرلیگینی آرتیرماق مقصدی ایله حسین منیری‌فر تاریخی-مدنی تبریز بؤلگه‌سینده توریزم تورلارینی یاراتماق و تاریخی یئرلرده توریزم موقعیتلی یئرلری یاراتماق اوچون ایش بیرلیگینین اهمیتینی وورغولادی.
او، سَککیزینجی بؤلگه‌نین بلدیه سینین اَن اؤنملی توریزم ایشلرینه ایشاره ائدیرک، دئدی: تبریزین تاریخی بازارینین کوچه‌لری، راستالری، تیمچه‌لری و مشهور صنعتکارلارینی لاییق و تکنولوژی‌لی بیر شکیلده تانیتماق اوچون، سَککیزینجی بؤلگه‌نین بلدیه سی تبریزین تاریخی بازارینین مختلف حیصه‌لرینده QR کد تابلولاری طراحلاشدیریب و نصب ائدیب. بو تابلولاری اسکن ائتمکله اینسانلار تبریزین تاریخی بازارینین تاریخچه‌سی، تیمچه‌لری، راستالری، تجاری صنعتکارلاری و مشهور صنعتکارلاری باره‌ده جامع بیر معلومات الده ائده بیلرلر.
سَککیزینجی بؤلگه‌نین بلدیه رئیسی همچنین تبریزین تاریخی اراضیسینین کیملیگینی یئنیدن دیریلتمک اوچون بئش ایل‌لیک بیر پلان حاضیرلاندیغینی بیلدیردی و دئدی کی، بو پروقراملا بو بؤلگه‌نین تاریخی اصالتینی قورویاراق، توریستلری جلب ائتمک اوچون لازیم اولان امکانات و تمل تیکینتیلری (زیرساخت) تامین ائده‌جیک.
بو جلسه ده جعفر مهرخانی، تبریز بلدیه سینین توریزم اینکیشافی ایداره‌سی‌نین مودورو، تبریزین تاریخی اراضیسینده، خصوصا تاریخی تبریز بازاریندا و تربیت پیاده‌یولو و شهرین دیگر تاریخی یئرلرینده توریزم امکاناتلارینی اینکیشاف ائتدیرمک اوچون حاضر اولدوغونو بیلدیردی و تاریخی تبریز بؤلگه‌سینده توریزم تورلارینی کئچیرمگی داخلی و خارجی توریستلره تبریزین مدنیت و تاریخی یئرلرینی تانیتماق اوچون تاثیرلی بیر آددیم بیلدی.
تبریزین تاریخی اراضیسینده تبریزین تاریخی اراضیسینده
آی نیوز – تبریز بلدیه سینین توریزم اینکیشافی ایداره‌سی‌نین مودور ایله سَککیزینجی بؤلگه‌نین بلدیه رئیسی ایله گؤروشمه‌سینده تاریخی منطقه ده توریزم امکاناتلارینی اینکیشاف ائتدیرمک اوچون بیرلیکده پروژه‌لرین حیاتا کئچیریلمه‌سی باره‌ده بحث ائدیلدی.
برچسب ها :آذربایجان تورکجه سی ، آی نیوز ، انکشاف ، بلدیه ، تبریز ، تبریزین تاریخی اراضیسینده ، ترکی آذربایجانی ، تورکجه خبر ، توریسم ، توسعه
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰