زنگیلی باغ آذربایجان بولگه سینین آچیق موزه سی

زنگیلی‌باغین تاریخی کئچمیشی

زنگیلی‌باغ تبریزین لاله محله‌سینده یئرلشیر. بو باغین گئچمیشی ایله باغلی ان مهم نقطه، اونون قدمتی‌دیر کی صفویه دؤورونه قاییدیر. بونا گؤره ده، بو باغین احیاسی یالنیز یاشیل فضا یاراتماق اوچون بیر عمرانی پروژه دییل، بلکه تبریزین تاریخی هویتینین یئنی‌دن اوخونماسی و بو شهرین «باغ‌شهری» یادگارلارینین دیری ساخلانیلماسی اوچون بیر آددیم ساییلیر.

ایلکین احتشاملی دؤوروندن سونرا، زامان کئچدیکجه بو باغ تاریخی وضعیتینی ایتیرمیشدی و احیا پروژه‌سی اونو شهرین عمومی فضالارینین دؤورونه قاییتماق مقصدی ایله تعریف اولوندو.

باغین احیاسینین جزئیاتلاری

زنگیلی‌باغین احیا پروژه‌سی ۱۴۰۵-جی ایلده ایستیفاده مرحله‌سینه چاتیب. و مهر آیینین سونوندا، ، بو طرح ۱۰ مین مترمربع ساحه‌ده ایستیفاده‌یه وئریلیر.

اعتبار و بودجه

بو پروژه‌نین ایجراسی اوچون ۱۸۰ میلیارد تومندن چوخ اعتبار خرج اولونوب.

دیزاین و هویت عنصرلاری

بو مجموعه‌نین دیزاینین‌دا همشهری لرین بوگونکو احتیاجلاری ایله باغین تاریخی گئچمیشی آراسیندا باغلانتی یاراتماغا چالیشیلیب. بو ساحه‌ده ان مهم آددیملاردان بیری، باغین دیوارلارینین بعضی حیصه‌لرینده ۷۵ بویوک چرچیوه‌سی‌نین دیزاین و یئرلشدیریلمه‌سی‌دیر. بو چرچیوه‌لرین هر بیرین‌ده شرقی آذربایجان، غربی آذربایجان، اردبیل و زنجان اوستانلارینین مشاهیرلری، مفاخیری، تاریخی اثرلری، شاخص بینالاری و مدنی جاذبه‌لریندن بیر تصویر نمایش ائدیلجه‌یی نظرده توتولور. بو آددیم باغی آذربایجان بؤلگه‌سینین تاریخی و مدنیتینین بیر «آچیق قالری»سینه چئوریر کی اؤز روایتینی موزه‌نین باغلی فضاسیندا دییل، بلکه آچیق بیر شهری فضا نین قلبین‌ده تقدیم ائدیر.

زنگیلی باغین یئنی وضعیتی

زنگیلی‌باغ احیادان سونرا همشهریلرین خیدمتین‌ده بیر بؤلگه پارکی کیمی یئر آلیر. بو فضا عائله‌لرین حضورو، تفریح، پیاده‌گزمه و بوش واختلارین کئچیریلمه‌سی اوچون بیر یئر اولاجاق و هم‌زمان لاله محله‌سینین تاریخی حافظه‌سینین بیر حیصه‌سینی ده زنده ساخلایاجاق.

آچیلیش واقتی

اعلان اولونموش پلانلارا گؤره، بو پروژه‌دن رسمی ایستیفاده ۱۴۰۵-جی ایلین مهر آیینین سونلارینا هدف‌لندیریلیب و یاخین گونلرده افتتاح اولاجاق