تبریزده “مندن سوروش” تاکسی لری توریست لرین خدمتینده

نوروز بایرامی گونلرینده، “مندن سوروش” تاکسیلری، تبریزین گیریش نقطه لری و توریستیی یئرلرینده، توریست لره و نوروز قوناقلارینا یول گوستریر.

“آی نیوز” سایتینین خبرینه گؤره، عبدالرحیم قاصدی دئدی: “مندن سوروش” تاکسی لرینین طرحی ۱۳۸۶-جی ایلدن تبریز بلدیه سینین تاکسی سورمه اداره سی ، مدنی-اجتماعی-ایدمان تشکیلاتلاری ایله بیرلیکده، نوروز تعطیل لرینده و یای فصلینده توریستلره خدمت اوچون اجرا اولونور.

اونون سوزلرینه گؤره، بو ایل ده تبریز بلدیه رئیسی نین امری ایله، شهرین بوتون بؤلگه لرینده و تشکیلاتلاریندا نوروز قوناقلارینا لاییق قارشیلاما برنامه لری حاضیرلانیب. بونا گؤره ده، تاکسی سورمه تشکیلاتی و مدنی-اجتماعی-ایدمان تشکیلاتی بیرلیکده، “مندن سوروش” تاکسیلرینی شهرین گیریش یئرلرینده و توریستیی مرکزلرینین یانیندا دوروب، توریست لره معلومات وئریلیر.

قاصدی دئدی: بو ایل نوروز بایرامی رمضان آیی ایله بیر زامان اولدوغو اوچون، بو تاکسیلرین فعالیتی کئچمیش ایللردن فرقلی اولاجاق.

اونون سون سوزلرینه گؤره، “مندن سوروش” تاکسیلرینین شوفرلری توریزم ساحه سینده خصوصی تعلیم کورسو کئچیبلر و “مندن سوروش” یازیلی تابلولار آسلایاراق، شهرین موختلیف یئرلرینده توریست لره تاریخی و توریستیی یئرلر حاقیندا معلومات وئرمک اوچون حاضیردیرلار.
تبریزده “مندن سوروش” تاکسی تبریزده “مندن سوروش” تاکسی