اوستاد شیدا دان گوزل شعر / آی ساری کوینک

آی نیوز – یحیی شیدا ، ۱۳۰۳-جو ایل هیجری گونشلی تبریزده دوغولموشدو؛ آتاسی حسن یوزباشی چرندابی مشروطیت اینقیلابینین مجاهیدلریندن ایدی و تبریزین چرنداب محلهسیندن ایدی. شیدا، یاشلیلیق سببیله ۱۳۹۰-جی ایل هیجری گونشلی‌نین ۲۹ مهر آیینین آخشامی اؤزونون طالقانی منطقه‌سینده‌کی ائوینده وفات ائتمیشدیر. اونون یارادیجیلیغی آذربایجان ادبیاتینین اینکیشافیندا موهوم ایز بوراخمیشدیر. اوستاد شیدا دان گوزل

آی ساری کوینک

آی خسته قوش آواره گزیرسن بو دیاری
زنداندی قفسدی چمنی باغی باهاری

گوزله اوزوی آوچی دیر هریانی بویوردون
قوزغون کیمی دوردگوزلوگزیرکورپه شکاری

فرصت دالیسیجا گزیری ال یئری تاپسا
ویران قویاجاق یوردونو آی کوینگی ساری

تیک اوز یووانی قویما سنه ال تاپا اووچی
سن بو یووانین صاحبی سن قان یئنه باری

جهد ایله کی جان قورتاراسان اووچی الیندن
دوشسن تورا فریاد ائله مه چک بو فشاری

گولشنده کی یوخ ذوق و صفا آی ساری کوینک
قاچ قاچ بو یئرین زهریلیدیر داری نداری

دیلله نسن اگر اووچی ائدر قانینا قلتان
اوچسان آ یازیق تیر جفا قلبینی یاری

مین فیرتینا قالخیب دویه جک باشینا طوفان
هر کیمده اولا داغ کیمی دونیادا وقاری

گلسه باشیوا درد و بلا داغ کیمی دور باخ
آیدیندی بو سوز توستو گئده ر گویچگه ساری

ایستر سنی صیاد اوزونه رام ائده اما
ایغو دو گوره ر آج تویوغ البته کی داری

بو یاخشی مثل دیر کی بیزم ائلده دئمیشلر
بیر باخ آشاغی باخما اوزوندن ده یوخاری

غم غصه کیچیک قلبینی کر دویسه سیخیلما
بو گوند ه کئچر آخیری غملر ده قئتاری

اوندا کی چیخار گون یاییلار عالمه بیردن
اوندا کی قارا دان یئری صبح اولجاق آغاری

داغی داشی آسوده خیالیله گزه رسن
گولشنده نه شاختا گوره سن داغدا نه قاری

ظولمون ائوی ویران اول و ظالیم دوشر الدن
قان دورماز اگر کسه پیچاق قیرسا داماری

بختین قاپیسی ایندی قیفیللانسا داریخما
هر بیر قیفیلین واردی طبیعت ده آچاری

اوز جانیویلن اوناما بو عرصه ده شیدا
لیلاج دغلبازیله قیزدیرما قوماری

اوستاد شیدا دان گوزل