حماسه و مقاومتین شورو «موغام»ین ۶-جی فئستیوالیندا سسلنه‌جک

آی نیوز سایتینین خبرینه گؤره، امیر نصیربیگی آذربایجان «موغام» موسیقی سینین ۶-جی فئستیوالینا چاغیریشین یاییلماسینا ایشاره ائدرک دئدی: موسیقی، اینسانین پاک حیس‌لارینین و ایچ نالالارینین صیداسیدیر کی، درد و قمدن توتوب دؤیوش و اومیده قدر هر شئیی اؤزونده بیلشدیریر.

اوْ دوام ائتدی: بۇ آرادا اصیل و فاخیر موغام موسیقیسی، مدنیتین خوش آوازی، حماسه‌لرین روایتچیسی و مقاومت روحونون و درین بیرلیگین عکس‌سیدیر.

نصیربیگی ائله‌جه ده دئدی: عزیز وطنیمریز ایرانین اۆچونجو تحمیلی ساواش ایله چارپیشدیغی گونلرده، وطن دوشمنین (آمریکا و صهیونیستلرین) میدانی و مدیا هوجوملارینا معروض قالیردی؛ وطن بایراغینین قیرمیزی رنگی، انقلابین اولو قهرمانی رهبرین، قوْجا کوماندانلارین، جسور عسگرلرین، گوناهسیز اوشاقلارین و مظلوم هموطنلارین قانی ایله داها قیرمیزی اولدو و مقدس ایران بایراغینین آغلیغینین آراسیندا اللاه یازیسی ابنودی بیر پارلاییش قازاندی.

اوْ وورغولادی: مدنیت و صنعت اساسیندا آتیلان آددیملار کی، اؤلکه‌نین جسور و دردلی صنعتکارلارینین جانفشانلیغی ایله آتیلیر، دیرنیش یولونو ایشیقلاندیریر و تورپاغیمیزین دایانیقلیلیغینی گؤستریر.

بلدیه رئیسینین معاوینی و تبریز بلدیه‌سینین مدنی-ایجتیماعی-ایدمان تشکیلاتینین رئیسی، فئستیوالین موستر و چاغیریشینی یایماقلا یاناشی خاطیرلاتدی: بو سببدن، تبریز بلدیه‌سینین مدنی-ایجتیماعی-ایدمان تشکیلاتی، موغام موسیقیسینین زنگینلیگیندن ایستیفاده ائدهرک، دیرنیش گونلرینده خالق آراسیندا حماسی شور یاراتماق یولوندا آددیم آتماغی و ۶-جی اوموم موسیقی مقامی فئستیوالینی کئچیرمگی نییّت ائدیر.

نصیربیگی موسیقی ساحه‌سینده بوتون صنعتکارلاری، بۇ فئستیوالدا ایشتیراک ائتمه‌یه و ۶-جی موغام فئستیوالینین صنعت ساحه‌سینده ابدی بیر حادیثه‌یه چئوریلمه‌سینه و تورپاغیمیزین آجی-شیرین گونلریندن اؤرنکلی اثرلر یاراتماقا چاغیردی.

قید ائتمک لازیمدیر کی، آذربایجان موغام موسیقی سینین ۶-جی فئستیوالینا تخصصی چاغیریش، موسیقی ساحه‌سینده بوتون صنعتکارلارین ایشتیراکی اۆچون یاییلیب و موسیقی اهلینین دیققتینه تقدیم اولونوب.