مستشار محله سینده داش دؤشه مه پروژه سی ۷۰٪ ایره لیله ییب

آی نیوز – سیدرضا هاشمی دئدی: بو پروژه، شهری محیطین کئیفیتینی یوکسلتمک، تاریخی بافتینی یئنیله شمک و اینسان فضالاری گئنیشلندیرمک مقصدیله موناسیب سورعتله حیاتا کئچیریلیر.

سیدرضا هاشمی بو خبری وئرهرک ده کی: داش دؤشه مه پروژه سینین عملیات ایشلری، آلتی قاتین حاضیرلانماسی مرحله سیندن سونرا باشلانیب و ایندیه ده ک فیزیکی ۷۰٪ ایره لیلَییب. بو طرح، شهرین تاریخی دَیَرلی کوچلریندن بیرنده، پیادالارین گئدیش-گلیش شرایطینی یاخشیلاشدیرماق، وطنداشلارین ایمنیینی آرتیرماق و شهری منظرهنی یوکسلتمک مقصدیله اجرا اولونور.

اوْ، بونا دا علاوه ائدی کی: بو پروژه جمعی ۲۵۰۰ مئترمربع ساحه نی احاطه ائدیر کی، بوندان ۱۰۰۰ مئترمربعی ماشین یولو، ۱۵۰۰ مئترمربعی ایسه پیادا یولو اوچون تخصیص اولونوب و ترافیکین تنظیملنمسی، وطنداشلارین راحاتلیغینین آرتیریلماسی و شهری فضانین کئیفیتینین یوکسلدیلمه سینده موهوم رول اوینایاجاق.

هاشمی، ۴-جو منطقه بلدی هسینین یوللارین ایصلاحینا خوصوصی دقت گؤسترمه سینه اشاره ائدرک، بونو دا وورغولادی کی: بو پروژه ده، گؤزونو گؤرمه ینلر اوچون ۵۰۰ مئتر خوصوصی مسیر ده پیشبینی و اجرا اولونوب کی، کور و آز گؤرن کیمسه لرین ایمن و آسان گئدیش-گلیشینه ایمکان یارادیلسین.