بالین ایستحصالینین 15 فایز چوخالماسییلا شرقی آذربایجان استانی بو ایل 15 مین تن بال ایستحصال ائله دی

شرقی آذربایجانین کند تصروفاتی جهاد تشکیلاتی نین حیواندارلیق ایستحصالینین ساغلاملاشما معاوینی بو ایلین ایچینده 13 مین 403 تن بالین ایستحصالینین خبرینی وئریب دئدی: استاندا بالین ایستحصالی اؤتن ایله گؤره 15 فایز آرتیب دیر.

غفور عبداللهی بونا ایشاره ائدره ک کی بالین عمومی ایستحصالی بو ایل 13 مین 403 تن اولوب دئدی: بو میقداردان 12 مین 292 تنو مدرن بال پتک لریندن و مین 111 تن بالی باشقا یئره ل پتک لردن ایستحصال اولونوب.

او استان دا ساییلان بال آریلاری پتکلرینین سایی سینی بیر میلیون 31 مین 610 عدد پتک عنوان ائدیب آرتیردی: بو سایی دان مدرن پتک لرین پایی 825 مین 906 و یئره ل پتک لر 205 مین 704 اولوب.

عبداللهی دئدی: باشقا سؤزله استانین مدرن بال پتک لرینین ساییسی 80 فایز و یئره ل بال پتک لرینین ساییسی 20 فایز اولوب کی 1391 – نجی ایله گؤره  بو پتک لرین سایی 20 فایز آرتیریلیب.

او بونو ایفاده ائده رک کی استاندا ایستحصال اولونان 92 فایز بال مدرن پتک لردن و قالان 8 فایزدا یئره ل پتک لردن اله گلیب آرتیردی: ایستحصال اولونان بالین اؤلچوسو 1391- نجی ایله نیسبت 15 فایز آرتیریلیب.