تبریزده ان بؤیوک بالیق بازاری ایشه باشلادی

تبریز بلدییه سینین هیمتیله و شهرله استانین بؤیوک اداره چی لرینین جمعینین و شورا عضولریله مجلیسین میللت وکیللرینین حاضیر اولماسیله تبریزین ان بؤیوک بالیق بازاری ایشه سالیندی.

آی نیوزون وئردییی معلوماتا گؤره تبریز بلدییه سی بیرینجی و ان بؤیوک بازار و بالیق ساتیشی مجموعه سی و باشقا دنیز یئیینتی محصوللاریندان تبریزده امام محمد باقر (ع) ولادتیله عئینی زاماندا، مجلیسین صنایع و معدن کمیسییاسینین رئییسی، تبریزین بلدییه باشچی سی  و ایسلامی شهر شوراسینین عضولری و شهرله استان رهبرلرینین اوردا اولماسییلا آچیلیش ائتدی.

بو مجموعه مئیدانلار تشکیلاتی و بلدییه ایشلر مناسیباتی و اؤزل سئکتورون هیمتیله یارادیلیب و ایشه باشلاییب دیر. بوندان سونرادا بالیق داغیتما و باشقا دنیز محصوللارینین اصلی مرکزی عونوانیندا تبریز وطنداشلاری اوچون ایشه باشلایاجاقدیر.

مهندیس فیروزیان سؤزلرینین باشقا بؤلومونده همچینین بو تشکیلاتین چابالاریندان بو بازارچانین اکینچیلیک و ارگانیک محصوللارینین یول سالینماسیندان و تبریز شهرینده قوروموش مئیوه لرین داغیتماسیندان خبر وئریب دئدی: بو تدبیرلرین یانیندا بازارچالارین ساییسینی چوخالتما پلانی دا بو تشکیلاتین باشقا پروقراملاریندا یئر توتور.

تبریز بلدییه مئیدانلار تشکیلاتی نین باش دیرئکتورو عئینی حالدا بو بازارچانین آچیلیشیندا تبریز شهرداریندان و اؤزل سئکتورون ایشتیراک و امکداشلیق ائتمه سیندن تشککورونو بیلدیردی.