مدني ثروتيميزين بوتون پروقرام و فعاليت لرينين محوري تدقيقاتدير

آی نیوز– تراب محمدي استانين ان ياخشي تدقيقاچيلار و توريزم ال ايشلري و مدني ميراثين آراشديرما نائليت لر سرگيسينين مراسيمينده ايفاده ائتدي: بو تشكيلاتين فعاليتلرينين طبيعتي تدقيقاتا باغلي اولوب و اونو مدني ميراثيميزين دؤيولن قلبي آدلانديرا بيلريك.

او آرتيردي: بو تشكيلاتين تدبيرلري او جمله دن تاريخي عابيده لرين تعميري ايشلرينه باشلامادان قاباق تدقيقات اولوناجاق كي اوندا اثرين عمومي معلومات و  توخونوشلا ماترياللاري بير اساسلي و نيظاملي آراشديرما پروقراميندا تدقيقدن كئچديب و سونرا ايجرايي ايشلري باشلاياجاق.

محمدي بونو ايفاده ائده رك كي آرخولوژي قازينتي لاردا، ا‍‍ؤز طبيعتينه قاييدير بو كيمي فعاليت لر تدقيقي پروقراملار آراسيندا يئر توتا بيلير، دئدي: توريزم ساحه سينده ده ارزش لري تانييب و ياتيرم اوچون بؤلگه ظرفيت لريني اساسلي و آراشديرما محورينده پروقراملارا اساسا گؤرمه ليييك.

او بونا اشاره ائده رك كي بو گون استان سوييه سينده يوزلرجه تاريخي پلانين تعمير و ايجرا اولونماسينا تانيق اولوروق آرتيردي: بو ميقداردان تكجه 32 آرخولوژي پلان اونيوئرسيته نين تجربه لي استادلارينين توسطيله تقديم و ايجرا اولونوبدور.