شرقي آذربايجاندا گاز استهلاكي 37 ميليون كوب متر(متر مکعب) دن ده آرتيق دير

 ائو سئكتورلاريندا گاز استهلاكي 6 قات آرتيب.

شرقي آذربايجان استانينين باش ديرئكتورو بونا اشاره ائدره ك كي ائو سئكتورلاريندا گازين استهلاكي ايلين ايستي فصيللريله موقاييسه ده 6 قات آرتيب دئدي: حال حاضيردا استان دا گازين استهلاكي 37 ميليون كوب متردن چوخدور.

ولي الله ديني جومه نامازیندا رهبرين شرقي آذربايجانداكي نماينده سيله گؤروشده گازين ثمرلي و تهلوكه سيز استيفاده ائتمه كولتوره للشمه سيندن تشككورونو بيلديريب دئدي: گاز تضييقينين قارشي سيني آلماق اوچون گاز پايلاماغي، ب‍‍‍ؤيوك وظيفه بيليب و گئجه گونوزلوك كنترل ائتمه  طلبينه اشاره ائتدي.

او بونا اشاره ائدره ك كي ائو سئكتورلاريندا گازين استهلاكي ايلين ايستي فصيللريله موقاييسه ده 6 قات آرتيب دئدي: حال حاضيردا استان دا گازين استهلاكي 37 ميليون كوب متردن چوخدور بو اونو گؤستريركي گازين استهلاكي استانيمیزدا سابقه سيزجه دير و گاز پايلاشيميني جيددي پروبلئملره اوز به اوز ائديب.

ديني آرتيردي: اينديليك ده بير ميليون 211 مين ايشتيراكچي 59 شهرده و مين 82 كند استانيميزدا 15 كيلومترليك گاز شبكه سينين توسطيله آللاهين بو نعمتيندن فايدالانيرلار كي خوشبخت ليكدن سون زامانلاردا سويوق و بوزلاقدان دولايي ايندييه قدر گازين كسيلمه سيندن بير خبر وئريلمه ييب، آما استيفاده ائتمه نين داواميله و گازين استهلاكينا قناعت گتيرمه ييب و استيفاده نومونه لريني رعايت ائتمه مكله، بعضي بؤيوك آبونچيلرين گازلارينين تضييقي و كسيلمه ايمكانلاري اولاجاق.