هر موطالعه دن سونرا مغزين اوپراسيونو ان آزي 5 گون چوخالير

آی نیوز– بيليم آداملارينا گؤره: هر موطالعه دن سونرا مغزين اوپراسيونو ان آزي 5 گون چوخالير

بو آراشديرما كي آمئريكا ايموري اونيوئرسيته سي آراشديريجي لاري طرفيندن اولوب گؤسترير كي بير ياخشي كيتابي اوخوماق مغزده اولان ايتصال لار و عصب ده ييشمه لرين چوخالتماسينا سبب اولور.

بيليم آداملارينين دئديگينه گؤره بو ده ييشمه مغزين سول بؤلومونده يعني ديل رئسئپتورلاري ايله علاقه ده اولان بؤلوم و مغزين اصلي حيس ائدن بؤلومو اولور.

پرافئسور گئوركي برنز عصب شيناس و بو آراشديرما قوروپون باشچي سي بو قونودا دئدي: بيز فيزيكال حيسلر سيستمي و حركت سيستمي كي مغزده عصبي ده ييشمه لرله علاقه ده اولورلار، تاپديق. بو ده ييشمه لر گؤسترير كي بير كيتابين اوخوماسي، اينساني داستاندا اولان شخصيتين اؤزونه عاييد بيلمه سينه سبب اولور.