تبریز بلدیه رئیسی تورکیه نین اقتصادی هیئتی ایله گؤروشدو
تبریز بلدیه رئیسی دئدی: ایران و تورکیه‌نین موختلیف ساحه‌لرده چوخ یوکسک ظرفیت‌لری وار . ایکی اؤلکه‌نین اقتصادی علاقه‌لرینی شهرداری‌لار و خوصوصی سکتور واسطه‌سیله آسانلاشدیرماق ضرورتی واردیر
آی نیوز سایتینین خبرینه گوره، یعقوب هوشیار، تبریز بلدیه رئیسی، تورکیه‌نین ایقتیصادی هیئتی ایله گؤروشده، ایران و تورکیه‌نین تاریخی، مدنی، دیلی و دینی اورتاقلیقلارینی وورغولایاراق، محلی و شهری ظرفیت‌لر اساسیندا تجاری علاقه‌لرین، سرمایه‌قویما و قارشیلیقلی ایش‌بیرلیکلرین گئنیشلندیریلمه‌سینی ایسته‌دی. تبریز بلدیه رئیسی تورکیه
هوشیار بو گؤروشده ایران و تورکیه خالقینین مدنی و دیل یاخینلیغینا ایشاره ائده رک، دئدی: “ایران و تورکیه‌نین ایقتیصاد، توریزم، صنعت و خیدمت ساحه‌لرینده چوخ سایلی ظرفیت‌لری وار کی، بونلاری داها دا تانیمالی و فعاللاشدیرمالییق.”
او، شرقی آذربایجان اوستانینین ۴ میلیون و تبریز کلانشهری‌نین ۲ میلیون نفوسونا اشاره ائده رک، بیلدیردی: “تبریز ایرانین بئش بویوک شهریندن بیری اولاراق، صنعت، ساغلیق توریزمی، پارچا تولیدی، مترو، یئیجک و تیکینتی موادلاری کیمی ساحه‌لرده اؤنملی ظرفیت‌لره مالیکدیر.”
تبریز بلدیه رئیسی، ایکی اؤلکه‌نین خصوصی بخش آراسینداکی ایش‌بیرلیکلرین دولتی سئویه‌لره نیسبتاً داها مؤثر اولا بیله‌جگینی بیلدیره رک، وورغولادی: “بلدیه لر سیاسی و اداری علاقه‌لرین چتینلیکلرینی آزالدا بیلر و تجاری علاقه‌لرین یولونو آچا و آسانلاشدیرا بیلر.”
تبریز شهرداری، تورکیه‌لی سرمایه‌چیلارین تبریزه اولان اوزون مدت لی ماراقلارینا اشاره ائده رک، اومید ائتدی: “قارشیلیقلی ظرفیت‌لرین تانیلماسی و تاجیرلرین و سرمایه‌چیلارین فعال اشتراکی ایله، ایکی اؤلکه آراسینداکی ایقتیصادی و شهری علاقه‌لر گئنیشلنه‌جک.”
همچنین، بو گؤروشده تورکیه‌نین ایقتیصادی هیئتی، تبریزین ۲۰۲۵-جی ایلده آسیا اؤلکه‌لرینین محیط زیست پایتختی سئچیلمه سینی ده تبریک ائده رک، بو ساحه‌ده سرمایه‌قویماق اوچون حاضیرلیقلارینی بیلدیردیلر.
تبریز بلدیه رئیسی دئدی: ایران و تورکیه‌نین موختلیف ساحه‌لرده چوخ یوکسک ظرفیت‌لری وار . ایکی اؤلکه‌نین اقتصادی علاقه‌لرینی شهرداری‌لار و خوصوصی سکتور واسطه‌سیله آسانلاشدیرماق ضرورتی
تبریز بلدیه رئیسی تورکیه
برچسب ها :آی نیوز ، ایران ، تبریز ، تبریز بلدیه رئیسی تورکیه ، ترکیه ، تورکیه ، جریان ، جریان خبری
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰