امام رضا (ع)ین دوغوم گونو و تراختورین سوپر لیگده قهرمانلیغی موناسیبتله تبریزین گؤیو نورلاناجاق
تبریزین بلدیه‌رئیسی، حضرت امام رضا (ع)ین دوغوم گونو و تراختور فوتبال تیمینین سوپر لیگده قهرمان اولماسی موناسیبتله، پنجشنبه گونو اردیبهشت آیینین ۱۸ ده ساعات ۲۰-۲۱ آراسیندا شهرین ۱۳ نقطه‌سینده نورافشانلیق مراسیمی کئچیرجگینی بیلدیردی.
آی نیوز سایتینین خبری اساسیندا، یعقوب هوشیار بیلدیردی کی، تبریز بلدیه‌سی، کرامت گونلری و امام رضا (ع)ین دوغوم گونو ایله یاناشی، تراختور تیمینین سوپر لیگده قهرمانلیغینی قدیرلندیرمک اوچون، ساعت ۲۰-۲۱ آراسیندا شهرین موختلیف منطقه‌لرینده نورافشانلیق ائده جک. امام رضا (ع)ین دوغوم گونو
هوشیار، بو تدبیرین اجتماعی شورو-شادلیقی آرتیرماق و شهرلیلرله تراختور هوادارلاری اوچون گؤزل بیر هاوا یاراتماق مقصدیله حیاتا کئچیریلدیگینی بیلدیردی.
نورافشانلیقین کئچیریلجگی یئرلر:
- بلوار استاد شهریار (منطقه ۱)
- پارک شمیم پایداری (باغ موزه دفاع مقدس، منطقه ۲)
- بلوار آزادی (بلدیه مرکزی، منطقه ۳)
- خیابان امیرکبیر، پارک امیرکبیر (منطقه ۴)
- کوی نصر (حضرت ولیعصر (عج) مسجدی قاباغی، منطقه ۵)
- کوی مرزداران (المهدی مسجدی قاباغی، منطقه ۵)
- نصف راه، پارک باغشهر (منطقه ۶)
- جلالیه، بوستان قرآن (منطقه ۷)
- سنگفرش چهارراه بهشتی (منطقه ۸)
- خاوران (بین‌المللی ییغینجاقلار مرکزی، منطقه ۹)
- ائل‌گلی تاریخی پارکی (عمارت قاباغی، سیما و فضای سبز تشکیلاتی)
- مقبره‌الشعرا (منطقه ۱۰)
- ساعات قاباغی (فرهنگی، اجتماعی و ورزش تشکیلاتی)
بلدیه‌رئیسی علاوه ائتدی کی، تراختور هوادارلارینین قهرمانلیغینی قدیرلندیرمک اوچون، خوصوصی بیر کمپین باشلاییب و دییرلی هدیه‌لر وئریلجک.
امام رضا (ع)ین دوغوم گونو
برچسب ها :آی نیوز ، امام رضا (ع)ین دوغوم ، تراختور ، تراکتور ، جریان خبری ، شهرداری ، نورافشانی
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰