تبريز شهرينين شورا رئيسي ساغلامليق توريزمي اوچون دانيشدي

آي نيوز-ساغلامليق توريزمي بير ايمكاندير اونون اوچون ده تهلوكه يه چئوريلمه مه ليدير.

بؤيوك تبريز شهرينين اسلامي شورا رئييسي دئدي: وطنداشلار ساغلامليق توريزمي قارشيسيندا اونلارين مدنيتلري اصلاحيندا تأثير گؤسترمه ليديرلر.

شهرام دبيري بونا ايشاره ائده رك كي تبريز سون ايللرده مناسيب آلت ياپي (زير ساخت) لارين يارانماسيله اؤلكه ده ساغلامليق توريزمينين قطب لريندن ساييلير دئدي: بو بير فرصت دير و لازيمديركي ريسكلري نظرده آلاراق اونو بير تهلوكه يه چئوريمه يك.

او بونو بيان ائده رك كي بو توريست لر بعضي حاللاردا اؤلكه يه خسته ليك داشييرلار دئدي: بو تهلوكه لري آرادان قالديرماق اوچون اؤلكه نين سرحدلرينده و باشقا يئرلرينده تهلوكه لري آشاغي درجه يه چاتديرماق اوچون ساغلاماليق توريست لرينه خصوصي فيلترلرين يارانماسي لازيم دير

او بونو بيان ائده رك كي ساغلامليق توريست لرينين مثبت و منفي جهت لري وار سؤزونه داوام ائتدي: ساغلامليق توريزمينين ياخشيلاشماسي اوچون مناسيب تدبيرلر گؤرولمه ليدير همچينين دلاللارين بو ايشه داخيل اولمالارينين قارشيسيني آلماق اوچون هر طرفلي بير پلان لازيم دير.