مقاومت جریانینین داوام ائتتمه سی، بین‌الملل صحیفه‌ده اولان وقایع‌لری دوغرو تحلیل ائتمکله ممکن دور
“ائویمین چیراغی” کتابینین تقدیم مراسیمینده تبریز بلدیه‌رئیسی ، شهیدلرین بوگونکو جامعه‌ده امنیت و آراملیغین قورونماسینداکی رولونو وورغولایاراق، مقاومت جریانینین بین‌الملل صحیفه‌ده اولان وقایع‌لری دوغرو تحلیل ائدیب، درین درک ائتمکله داوام ائتدیگینی تصریح دئدی.
آی نیوز سایتینین خبری اساسیندا، یعقوب هوشیار، “ائویمین چیراغی” کتابینین تقدیمی مراسیمینده، عاشورا سپاهینین امیرینین معاوینی، آذربایجان شرقی والی‌سینین ایثارگرلار مشاوری، شهر شوراسی عوضولری و شهید عائله‌لرینین حضوری ایله، شهیدلرین فداکارلیغینی یاد ائدیب، بوگون امنیت و آراملیق ایچینده اولدوغوموزو و انتقاد ائده‌بیلمه‌یمیزی، عزیز شهیدلریمیزین سایه‌سینده اولدوغونو بیلدیردی.
او، حاضیرکی دؤنمده حق و باطل جریانلاری آراسینداکی تقابلی وورغولایاراق، بو تقابیلین همیشه وار اولدوغونو و حاضیرکی شرایطده ده ائله‌جه داوام ائتدیگینی قئید ائتدی. هوشیار، “بیزیم حق یولوندا اولمامیزین سببی، وقایع‌لری دوغرو تحلیل ائدیب، درین درک ائتمکدیر” دئدی.
تبریز بلدیه‌رئیسی، دینی روایتلره ایشاره ائدیب، حضرت ولی‌عصر (عج) ظهور ائتدیگیده، مشهور شخصلری کنارا قویوب، قبول ائتمه‌یه‌جکلرینی بیلدیردی.
او، شهید سلیمانی مکتبینه ایشاره ائدیب، “سردار سلیمانی، ‘بیز امام حسین میلتیییک’ دئدیگیده، بو سؤزون عاشورا، قرآن و نهج‌البلاغه‌دن قایناقلاندیغینی بیلدیردی. هوشیار، “الله بیر جریانا عظمت وئرمک ایسته‌دیگیده، او جریانین حق یولوندا محکم‌لشدیریب” دئدی.
بلدیه‌رئیسی، اوکراین رئیس‌جمهورونون آمریکا رئیس‌جمهورو طرفیندن تحقیر ائدیلمه‌سی ایله باغلی سون دئیلنلره ایشاره ائدیب، “حضرت آقا، مذاکره‌نین عزت‌له و شرافت‌له اولماسی ضرورتی‌نی وورغولادی. بعضیلری اعتراض ائتمک ایسته‌ییردیلر، اما سون واقعه لر اونون سؤزلرینین نه قدر درین معنا داشیدیغینی گؤستردی” دئدی.
او، ایرانین تاریخی افتخارلارینی یادا سالاراق، “بو عصردن، مشروطیت‌دن، اینقیلابدان و سکگیز ایللیک مقدس مودافیعه‌دن دانیشساق، بونلارین همسی ایران میلتی‌نین عزتینین نمادیدیر. بیز بوگون شهیدلریمیزین افتخارلاری‌نین سایه‌سینده‌ییک” دئدی.
هوشیار، شهید سردار حاج قاسم سلیمانینین ترورونا ایشاره ائدیب، “دوشمنلر بو ترورلا مقاومت جریانینی سوندورمه‌یه چالیشدیلار، اما ترورلار نتیجه وئرمه‌یه‌جک. بو وقعهدن سونرا مینلرله سس و مینلرله بوغاز، اونون مکتبینی حیاتا کئچیردی. گله‌جک نسیللر سردار سلیمانی کیمی افتخارلاری داها درین درک ائده‌جکلر” دئدی.
بلدیه‌رئیسی، غزه و فلسطین وضعیتی‌نه ایشاره ائدیب، “غزه و فلسطین‌ده ۵۰ مین نفر صهیونیست رژیمی طرفیندن شهید اولوب، اما جهانی مدیا بو صحنه‌نی تحریف ائدیر. ترامپ و زلنسکی آراسینداکی مذاکره صحنه‌سی، بیر میلّتین هویتینین ترورو ایدی. بونا گؤره‌ده مقام معظم رهبری، عزت‌له مذاکره و ایستادلیغین ضرورتی‌نی وورغولاییر” دئدی.
تبریز بلدیه‌رئیسی، سون اولاراق، شهری مدیریتین خالقین مشکللرینی حل ائتمه‌یه چالیشدیغینی بیلدیردی.
بو سؤزلر، “ائویمین چیراغی” کتابینین تقدیمی مراسیمینده دئیلدی. بو اثر، تبریز بلدیه‌سی طرفیندن نشر اولونوب و منافقلر طرفیندن ترور اولونان بیوک‌آقا فرشبافان مقصودیه و محمد فرشبافیان مقصودیه آدلی آتا و اوغلونون حیات و شهادتینی روایت ائدیر.
مقاومت جریانینین داوام ائتتمه مقاومت جریانینین داوام ائتتمه
برچسب ها :آی نیوز ، بلدیه رئیسی ، تبریز ، تورکجه خبر ، خبر ترکی ، مقاومت جریانینین داوام ائتتمه ، یعقوب هوشیار
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 1 در انتظار بررسی : 0 انتشار یافته : ۰