تبریزین جنوب غربینین دؤرد طرفلی فوتبال یاریشمالاری سوْنا چاتدی
تبریزین جنوبغربینین دؤردطرفلی فوتبال یاریشمالاری، اۆستون تیملرین تانیدیلماسی ایله سوْنا چاتدی و «شهرک اندیشه» تیمی بۇ یاریشمالارین قهرمانلیق کاسهسینی قازاندی.
آی نیوز سایتینین وئردیگی خبره گؤره، تبریزین جنوبغربینین دؤردطرفلی فوتبال یاریشمالاری، اجتماعی شادلیغی آرتیرماق، عمومی ایدمانی اینکیشاف ائتدیرمک و منطقه محلهلری آراسیندا قارشیلیقلی علاقهنی گۆجلندیرمک مقصدیله کئچیریلدی و سوْنوندا «شهرک اندیشه» تیمی بۇ یاریشمالاردا بیرینجی مقامی قازانماقا نائیل اوْلدو.
بۇ یاریشمالارین سوْن نتیجهلرینه اساساً، «خلجان» تیمی ایکینجی یئرده قالدی، «سردرود» تیمی اۆچونجو مقامی قازاندی و «کوجووار» تیمی ده دؤردونجو رتبهیه یئرلشدی.
بۇ یاریشمالار فوتبال ایدمانچیلاری و علاقهموندلارین یاخشی قارشیلاماسی ایله قارشیلاندی و صمیمی و جانلی بیر اورتامدا کئچیریلدی.
قئید ائتمک لازیمدیر کی، بۇ کیمی پروقراملارین کئچیریلمهسی، تبریز بلدیهسینین ۷-جی منطقهسینین ایدمان پروقراملارینین ایش پلانیندادیر و شادلیق و جانلیلیق یاراتماق، محلهلر آراسیندا اورهک بیرلیلیگی گۆجلندیرمک و منطقهنین ایدمان پوتانسیالینا دایاق اوْلماق مقصدیله داوام ائتدیریلیر
برچسب ها :آی نیوز ، تبریزین جنوب غربینین دؤرد طرفلی ، فوتبال ، مسابقه ، یاریش
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : 0