ورزقان دا بالين استيحصالي هر ايل 855 مين كيلوگرامدان داها چوخ اولور

آي نيوز– ورزقانين كند تصروفاتي اداره چي سي دئدي: هر ايل 855 مين 361 كيلوگرام بال ورزقان شهرستانيندا استيحصال اولونور.

علي عليمحمدي بونو بيان ائده رك كي بو شهرستان، شرقي آذربايجان استانيندا بو ساحه ده اوچونجو رتبه ني اؤزونه اختيصاص وئريب دئدي: ورزقاندا مين 49 نفر آريچي 83 مين 117 پتك موستملك لريله بيرليكده چاليشيرلار.

او دئدي: بو ميقداردان 72 مين 322 مدرن كلني و 10 مين 795 يئرلي كلني بال استيحصالي اوچون ايشده چاليشديريرلار.

عليمحمدي بالين استيحصاليني مدرن پتك لرده اورتالاما 11 كيلوگرام و يئرلي پتك لرده بئش كيلو 500 گرام بيلديردي.

ورزقانين كند تصروفاتي ادره چي سي دئدي: بو شهرستاندا پاكت له مه صنعتينين اولماماسي آريچيلارين ان اؤنملي پروبلئملريندن دير.