تبریز- سهند اتوبانین قورتاریلما طرحی

آی نیوز-شرقی آذربایجان والیسینین عمران معاوینی بئله دانیشدی:

تبریزین باش اداره چیسی نین برنامه لرین باشیندا تبریز- سهند اوتوبانی عملیاتی و یولون تاماملانماسینین سورعتلندیرمه سی سهند و اسکو شهرستانینین ساکینلری و شهرده گل – گئدین آسانلاشدیرما پروقراملاری یئرله شیر.

استانین یول و شهر سالما اداره سینین اجتیماعی ایلگی لرینین وئردییی معلوماتا گؤره محمد صادق پور مهدی بو اوتوبانین تیکینتی عملیاتی گؤروشونده بیان ائتدی: بو یولون اهمیت و ضرورتینی نظرده آلاراق شرقی آذربایجان استانداری  سینین (والیلییینین) اینکیشاف معاوینی و استانین باشقا ارقانلاری بو اوتوبانین تئزلیکله قورتاریلماسینا و عملیاتینین سونا چاتماسینا بوتون گوجلریله جهد ائده جکلر..

او بو پلاني دوزنله ين اينسانلارين ايشينی يوكسك قيمت لنديريب  مسئوللارين جهد و فعاليت لرينين سورعتيني آرتماغي ايسته ييب بو ايشين تاماملانماسيني وورغولادي.

پور مهدي سهند شهرينين ساكين لرينين گل- گئت ده اولان پروبلئملرينه و بو يولدا اولان  سوروجولوك قضالارينين باش وئرمه سينه ايشاره ائده رك تبريز- سهند اوتوبانينين اهميت و تأثيرينه پروبلئملرين آزاليب آرادان قالديريلماسيني خاطيرلاتدي.

تبريز- سهند اوتوباني 22 كيلومتر اوزونلوغونداديركي يول و شهر سالما اداره سينين توسطيله تبريز طرفيندن 15 كيلومتر اوزونلوقلا 45 فايز فيزيكي ترقي ائديب و سهند شهرينين آبادانليق شركتينين توسطيله، سهند شهري  طرفيندن 7 كيلومتر اوزونلوقلا 70 فايز فيزيكي ترقي ائديب دير و دوزنيلمك حاليندا دير.