هر ایرانلی گونده 600 گرام زیبیل چیخاریر

 آی نیوز-هر ایرانلی گونده 600 گرام زیبیل چیخاریر

مجلیسین ساغلاملیق و درمان کمیته سینین عضوو دئدی: دونیادا اورتالاما اولاراق  بیر اینسان هر گون 250 دن 3000 گراما قدر زیبیل چیخاریر آما بو رقملره باخاراق ایراندا اورتالاما بیر اینسان هر گون 600 گرام زیبیل چیخاریر.

مسعود پزشکیان دئدی: دونیادا اورتالاما اولاراق  بیر اینسان هر گون 250 دن 3000 گراما قدر زیبیل چیخاریر آما بو رقملره باخاراق ایراندا اورتالاما بیر اینسان هر گون 600 گرام زیبیل چیخاریر. تبریز، آذرشهر، اسکونون نوماینده سی آرتیردی: هر گون ایراندا 50000 تن زیبیل چیخیرکی اونون 30 فایزیندان چوخونو شهر زیبیللری تشکیل ائدیر.

او بونا ایشاره ائده رک کی زیبیللرین گئری دؤنوشدورمه سی(بازیافت) ان اساسی ایشلردن بیریدیر جیددی و عملی شکیلده  بو ایشه نظارت ائتمه یی ایسته ییب دئدی: زیبللری یاندیرما، کمپوست، باسدیرما، زیبللرین گئری دؤنوشدورمه و خطرسیز ائتمه یوللاریندان دیر آما تأسوفله اؤلکه نین چوخ یئرلرینده بو ایش گؤرولمور و زیبیللر تهلوکه لی شکلیده بلدییه نین زیبیل چوخورلاریندا ساخلانیلیر.