شرقی آذربایجان اخراجاتی (صادرات) بیر میلیارد ۶۰۰ میلیون دلاری اؤتوب

 آی نیوز-شرقی آذربایجانین تیجارت، معدن و صنایع مودورو دئدی: بو ایلین ۱۰ آییندا بیر میلیارد ۶۸۳ میلیوندان داها چوخ ایخراجی مال نؤوعلری استاندان اؤلکه دن ائشییه ایخراج اولونوب.

محمد جعفر عظمایی ژورنالیستلرله گؤروشده استاندا بو ایلین ۱۰ آیینده کئچن ایلده کی ایلین عئینی دؤورونه نیسبت غیر نفت ایخراجاتین آرتیمینا ایشاره ائدیب دئدی: بو موددتده شرقی آذربایجان ایخراجاتینین عددی میللی اورتالامانی آشیب دیر.

او خاطیرلاتدی: کئچن ایلله موقاییسه ده بو رقملر چکی(وزن) باخیمیندان یوزده اون آرتیب دیر.

عظمایی دئدی: دؤولت اؤلکه نین بیزینس محیطینده مانع تؤره دن قایدالارین ایصلاحینا و دورولاشماسینا و اؤزه ل سئکتورلاردان حیمایت ائتمه یه و اونلارین یاخشیلاشدیرماسیله یاناشی اؤلکه نین بیزینس اینکیشافینی یوکسلدیب کامیللشدیرمه سینه قرارلیدیر.

او یئرلی و بین الخالق تیجارتین آسلانلاشدیرماسی اوچون میللی استیحصالاتا لازیم اولان قوه نین سورعتلنمه سینه ایشاره ائدیب دئدی بو ایش اؤزه ل سئکتورون اینکیشاف و گوجلنمه سیله رئاللاشا بیله جکدیر.