باغبان: بودجه‌ نین ۱۰۰% یئرینه یئتیرلمه‌سی تایسیز بیر ایشدیر

تبریز اسلامی شوراسی نین بودجه کمیسیونو رئیسی دئدی: ، بو ایل بلدیه‌نین بودجه‌سینین ۱۰۰% یئرینه یئتیرلمه‌سینی تایسیز بیر ایش دیر. بئله هدف‌لره چاتماق حتّی دولت‌لر اوچون بیر آرزو اولا بیلر.

آی نیوز سایتنین خبرینه گوره، علیرضا نوای باغبان بو ایل کی بودجه حاقّیندا دانیشاراق دئدی: بو ایل کی برنامه و بودجه‌نین ۷۰%‌ی عمران پروژه لرینه و ۳۰%‌ی جاری پروژه لرینه آیریلمیشدی و بو اساسدا بو ایلین بوتون عمران برنامه و بودجه‌سی یئرینه یئتیرلمیشدیر.

نوای باغبان علاوه ائله‌دی: ۱۴۰۰-جو ایلده تبریز بلدیه سی بودجه‌نین ۷۵% عمران پروژه لرینه و ۲۵%‌نی ده جاری بودجه‌یه آیریلمیشدی؛ آما عملده بو میزان ۷۰% عمرانا و ۳۰% خرجلره دَییشدی کی بو میزان دا اؤز نووعونده چوخ نمونه سیز دیر و حتّی دولت‌لر ده بو جور بودجه‌نین یئرینه یئتیرلمه‌سینی آرزو ائدیرلر.

او دَوام ائله‌دی: بلدیه‌نین گوندوز-گئجه چالیشمالاری و پروژه لرین تئز اجرا اولونماسی سایه‌سینده، بوتون یاریسی قالمیش طرح‌لر بیتمیشدیر و حال‌حاضیردا ولایت اتوبانی و قطار شهری‌ندن باشقا بیتمه‌میش پروژه میز یوخدور.

بو شورا عضوو پروژه لرین یاخشی کیفیتله اجرا اولونماسینا ایشاره‌ ائله‌یه‌رک دئدی: شهرین خیابان و کوچه‌لرینده ۵۰۰ مین تن آسفالت توکولمه‌سی بلدیه‌نین ده‌یَرلی بیر ایشیدیر کی بو شهروندلرین کوچه‌لرین آسفالتی ایله باغلی ناراضیلیقلارینی آرادان قالدیردی. بونون یانیندا پیاده گئدن یوللار و تاش دوشَمهَ (کف سازی) نهضتی ده چوخ سرعت و دقیق ایجرا اولوندو .

باغبان، حیدرآباد کورپوسونون ایشه دوشمه‌سینی ده بلدیه‌نین باشقا مهم طرح‌لریندن بیری ساییب علاوه ائله‌دی: بو طرحین ایشه دوشمه‌سی خاص شرایطده و تشریفاتسیز اولاراق باش توتدو.
باغبان: بودجه‌ نین  باغبان: بودجه‌ نین
تبریز اسلامی شوراسی نین بودجه کمیسیونو رئیسی دئدی: ، بو ایل بلدیه‌نین بودجه‌سینین ۱۰۰% یئرینه یئتیرلمه‌سینی تایسیز بیر ایش دیر. بئله هدف‌لره چاتماق حتّی دولت‌لر اوچون بیر آرزو اولا بیلر.