تبریزده بیرینجی یئر آلتی سو پارکی‌نین ایشه باشلادی
دولت هفته‌سی اینن عین زماندا تبریز شهرداری‌نین حضورو اینن تبریزده بیرینجی یئر آلتی سو پارکی ایشه باشلادی.
فارسین تبریزدن وئردیغی خبره گؤره، ۷۶۰۰ متر مربع اولان تبریزین بیرینجی یئر آلتی سو پارکی، ۱۸۲۰ متر مربع یئر اشغال ائلیر. بو پارکین موج گؤلو، ۱۷۰ متر اوزونلوغوندا و ۳ متر ائنینده چایی، ۱۲ جوره فرقلی زویولداق و اوشاقلارا مخصوص گؤلو وار. ۱۵۰ نفره ایش یئری یارادان بو پارک، تبریز شهرداریسی و « آتیه‌سازان فخرآذر» شرکتی‌نین همکارلیغی اینن ۲۰ میلیارد تومندن آرتیق اعتبارینان دوزلیب.
« آتیه‌سازان فخرآذر» شرکتی‌نین مدیر عاملی هلالی بو مراسیمده‌کی دانیشیغیندا تبریز شهرداریندان تشکّر ائله‌ماغینان دئدی: «اخیر ایللرده تبریز شهرداری‌نین حمایتی اینن خصوصی سرمایه قویانلارین تبریزده مختلف زمینه‌لرده حاضر اولماسینا شاهد اولوروق».
او آرتیردی: «استان و شهر مسئوللاری حمایت ائله‌سه‌لر تبریزده تفریحی-ورزشی شهرکین دوزلتمه برنامه‌میز واردیر».
هلالی استان و شهر مسئول‌لاریندان خصوصی سرمایه قویانلاردان حمایت ائله‌ماقلارینی ایسته‌دی.
برچسب ها :
ناموجود- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰