۶۵ میلیون تومن تبریز بلدیه سینین مدنیت بودجه سی دیر

آی نیوز– تبریز بلدییه باشچی سی بلدییه دن وطنداشلارین سوسیال و مدنی ایستک و احتیاج لارینا جیددی باخیلماغی و اونلارین طلب لرینه هر طرفلی پلانلاشدیرمانی وورغولادی و ۹۳ – نجو ایلده اهمیتلی و گؤزله نیلن بودجه نی بو ساحه ده قانونی بودجه شکلینده اولماسینین خبرینی وئریب دئدی: ۶۵ میلیون تومن تبریز بلدیه سینین مدنیت بودجه سی دیر

صادق نجفی تبریز بلدییه سینین مدنی اجتیماعی یئنی معاونینین تانیشما مراسیمینده، شهرین اجتیماعی، مدنی، هنری حوزه سینین سهمینی تبریز بلدییه سینین گلن ایلکی بودجه سیندن  ۶۵ میلیون تومن اعلان ائدیب، قئید ائتدی: مدنی ساحه ده، ان فعال و اهمیتلی ایش ساحه لریندن و تبریز شهرینین اداره اولونماسی خیدمت لریندن بیری اولاجاق. بو ساحه خالقین ایستکلرینی قارشیلاماق اوچون یوکسک فیکیرله حرکت ائده جک.

تبریز بلدییه باشچی سی پروقرام و مدنی اجتیماعی فعالیت لرین ثمرلی اولماسینین لازیم اولدوغونو وورغولادی و بلدییه نین گلن ایلکی سوسیال مدنی فعالیت لرینین پارامئتر و اساس محورلرینه ایشاره ائدیب دئدی: سوسیال ساغلاملیغین آلت یاپیلارینین گلیشمه سینه دیققت ائتمک، ائولرین ساغلاملیغینی گوجلندیرمک، توریزمه دیققت ائتمک، عمومی ایدمانا دستک وئرمک، مدنیت مرکزلرینین و مدنیت ائولرینین آرتیرمالاری بلدییه نین مدنی ساحه سی معاوینینین پروقراملارینین باشیندا اولاجاق.

نجفی وطنداشلارین احتیاج و طلب لرینه ثمرلی جاواب وئرمه مقصدی ایله شهرین اداره ائتمه یؤنونده، اجتیماعی، مدنی ، هنری، ایدمان ساحه لرینین آلت یاپیلارینین گوجله نیب آکیتولشمه خبرینی وئردی.